पोखरा । नेलम्बो नेपालले गौरीशंकर बुहुमुखी क्याम्पसलाई मंगलबार पाठ्यपुस्तक सहयोग गरेको छ । नेलम्बोले कक्षा ११ र १२ एवं बिएड र बिबिएस्तर्फका विभिन्न विषयसँग सम्बन्धित पुस्तक उपलब्ध गराएको हो ।

कार्यक्रममा नेलम्बोका अध्यक्ष एकदेव देवकोटाले संस्थाले शिक्षा, स्वास्थ्य, वातावरण तथा अनुसन्धानका क्षेत्रमा कार्य गरिरहेको बताए । उनले विश्वास गरेर सहकार्य गरेकोमा क्याम्पसप्रति आभार प्रकट गर्दै सहयोगलाई निरन्तरता दिइने प्रतिबद्धता समेत जनाए ।

क्याम्पस सञ्चालक समिति अध्यक्ष देवकृष्ण पौडेलले सहयोगप्रति आभार प्रकट गर्दै नेलम्बोले गरेका मानवीय सेवाका कार्यहरु महत्वपूर्ण रहेको स्मरण गरे । उनले पुस्तकको सदुपयोग हुने विश्वास दिलाउँदै विद्यार्थीलाई पुस्तकालयको अनुशासन पालना गर्न आग्रह गरे ।

क्याम्पस प्रमुख कृष्णप्रसाद पौडेलले नेलम्बो तथा क्याम्पसबीच सुमधुर सम्बन्ध रहेको बताए । उनले क्याम्पसको खानेपानी समस्या, विद्यार्थी तथा प्राध्यापक कर्मचारीको मुख स्वास्थ्यको समस्था, विभिन्न छात्रवृत्ति साथै छात्रालाई सेनीटरी प्याडको समस्या समाधान गर्न नेलम्बोले महत्वपूर्ण सहयोग उपलब्ध गराएको स्मरण पनि गरे ।

क्याम्पस सञ्चालक समिति उपाध्यक्ष रमा त्रिपाठी तथा व्यवस्थापन विभाग प्रमुख मानबहादुर कार्कीले २ संस्थाबीच सुमधुर सम्बन्ध स्थापित हुँदै गएकोमा खुसी व्यक्त गर्दै नेलम्बोमा गतिविधिको प्रशंसा गरे ।