पोखरा । दरौँखोला सामीप्य समाज पोखराले तीज अवसरमा शुभकामना आदानप्रदान तथा भेटघाट कार्यक्रम गरेको छ ।

संस्थाका अध्यक्ष बोधराज गौतमको अध्यक्षतामा भएको कार्यक्रममा संस्थाका संरक्षक दोवबहादुर कार्की, गाउँ संयोजक शमशेरबहादुर जिसी, दिदीबहिनी क्वालिटी सर्कल सदस्य सीता कार्की, विनिता रोका, सह–संयोजक मनजु कार्की, सल्लाहकार सूर्य रोका, संस्थापक अध्यक्ष शोभित खड्कालगायतले शुभकामना मन्तव्य दिएका थिए ।

सो अवसरमा युथ सर्कल सदस्य अनुजा गौतमले कविता सुनाइन् । कार्यक्रममा स्वागत संस्थाका उपाध्यक्ष गंगाराम पौडेल र सञ्चालन नमबहादुर रोकाले गरेका थिए ।

स्याङ्जाको पुतलीबजार–१३, अर्जुनचौपारी–१ र भिरकोट–७ बाट पोखरा आई विभिन्न पेसा र व्यवसायमा आबद्ध दरौंखोलेहरुको साझा चौतारी दरौँखोला सामीप्य समाज हो ।