पोखरा । नेपाल समाजशास्त्र संघको आयोजनामा पोखरामा अन्तर्राष्ट्रिय कार्यशाला आइतबार कास्कीको लुम्लेमा सम्पन्न भएको छ । ३ दिने कार्याशालाको उद्घाटन गण्डकी प्रदेश प्रमुख पृथ्वीमान गुरुङले गरेका थिए । ‘नेपालमा सुशासन र सामाजिक रुपान्तरण’ शीर्षकमा गरिएको कार्यक्रममा नेपालका वरिष्ठ समाजशास्त्री, भारत, चीन, बेलायत, जापान, नर्बे र अमेरिका लगायतका मुलुकबाट ५६ कार्यपत्र प्रस्तुत भएका थिए । धेरैजसो कार्यपत्र प्रत्यक्ष र केही कार्यपत्र अनलाइनमाध्यमबाट प्रस्तुत भएका थिए ।

नेपाली समाजको अध्ययन अनुसन्धान र विश्लेषणका साथै समाजशास्त्र विषये अभिबृृद्धि गर्ने हेतुले कार्यक्रम सञ्चान गरिएको हो । कार्यशालामा समाज विज्ञानका स्वदेशी तथा विदेशी बिद्वानबाट नेपालको २०४६ देखिको राजनीतिक परिर्वतन, आन्दोलन, जनयुद्ध तथा जनआन्दोलन र अन्य सामाजिक आन्दोलनको विकास प्रक्रियाबारे छलफल, विश्लेषण गरिएको यिथो ।

पृथ्वीनारायण क्याम्पसको समाजशास्त्र तथा ग्रामीण विकास विभागसगको सहकार्य र गण्डकी विश्वविद्यालयको सक्रियतामा कार्यक्रम भएको हो । कार्यक्रममा राज्य पुनर्र्संरचना र त्यसले पारेका प्रभावहरुबारेमा समेत छलफल भएको थियो । आयोजक संस्था नेपाल समाजशास्त्र संघका अध्यक्ष प्राडा गणेशमान गुरुङले समाजशास्त्रीहरुले आफ्नो सिप सोच र विद्वत्वलाई समाज विकास र समाजशास्त्रको उन्नतिमा लगाउनुपर्ने बताए ।