पोखरा । सिद्धि सेतुली स्मृति प्रतिष्ठान पोखराले मैत्री शिक्षा समूह मैत्री संघ पोखराका बालबालिकालाई शैक्षिक सामग्री वितरण गरेको छ ।

आमा सेतुलीमाया शाक्यको १०४ औं जन्म जयन्ती तथा बुबा सिद्धिरत्न शाक्यको ५० औं पुण्यतिथिका अवसरमा मैत्री शिक्षा समूहका २२ जना बालबालिकालाई शनिबार शैक्षिक सामग्री प्रदान गरिएको हो । कार्यक्रममा मैत्री संघ पोखराका अध्यक्ष राधेश्याम उदासले सामग्री वितरण गरेका थिए ।

प्रतिष्ठानका संस्थापक अध्यक्ष विश्वरत्न शाक्यले बौद्ध शिक्षाको नियमित ध्यानको साधना गर्न आग्रह गरे ।

प्रतिष्ठानका अध्यक्ष कृष्णप्रसाद बास्तोलाले सहभागी सबैप्रति आभार व्यक्त गरे कार्यक्रमको सञ्चालन सचिव इन्द्रकमल मानन्धरले गरेकी थिइन् ।

प्रतिष्ठानले आधारभूत तहदेखि १० जोड २ सम्मका १२२ जना विद्यार्थीलाई कन्या क्याम्पसमा आइतबार शैक्षिक सामग्री तथा छात्रवृत्ति वितरण गर्ने कार्यक्रम रहेको छ ।