पोखरा । लायन्स क्लब इन्टरनेसनल ३२५ आई अन्तर्गत लायन्स क्लब अफ पोखरा आदर्श चौतारीले शुक्रबार स्थापना दिवस मनाएको मनाएको छ ।

लायन्स क्लब इन्टरनेशनल ३२५ आइका निवर्तमान अध्यक्ष राम बसेलले आदर्श चौतारीले गरेका सामाजिक कार्य डिस्ट्रिक्टकै अब्बल रहेको बताउँदै शीतलादेवी सामुदायिक विद्यालयमा बन्न लागेको भवनमा समेत क्लबले निर्माणमा सहकार्य गर्ने घोषणा गरे ।

कार्यक्रममा प्रथम डिस्ट्रिक्ट गभर्नर विनोद ढुंगाना, डिस्ट्रिक्ट सल्लाहकार शिव नेपाली, एफ डब्लु सि शान्ता थापा, एक्स्टेसन चियर पर्सन कमल बस्नेत, पूर्व अध्यक्ष दयाशंकर गौतमलगायतले शुभकामना मन्तव्य व्यक्त गरेका थिए ।

सो अवसरमा वर्ष २०२२/२३ मा क्लबका लागि उत्कृष्ट कार्य गरेबापत सम्मान, २०७९ को एसइई र २०८० सालमा प्लस टु उत्तीर्ण क्लब सदस्यका छोराछोरीलाई सम्मान गरिएको थियो । क्लबले स्पोसर गरेको पोखरा पुष्पबाटिकाको समेत विधिवत् उद्घाटन गरियो ।

क्लबले ड्यामसाइड निवासी अशक्त नन्दुकुमारी रानाभाटलाई ह्वील चियर सहयोग गरेको छ । क्लब अध्यक्ष दामोदर आचार्यको अध्यक्षतामा भएको कार्यक्रममा स्वागत संस्थापक अध्यक्ष बासुदेव कोइराला, धन्यवाद कार्यक्रम संयोजक रुकबहादुर गुरुङ र सञ्चालन सचीव दीपकप्रसाद घिमिरेले गरेका थिए ।