पोखरा । नेपाल स्वास्थ्यकर्मी संघ गण्डकी मेडिकल कलेज इकाइ समिति आयोजनामा असल श्रम समन्वय र श्रमिकका चुनौती विषयक अन्तर्क्रिया भएको छ ।

कार्यक्रममा वरिष्ठ हाडजोर्नी विशेषज्ञ प्राडा ईश्वर शर्मा कँडेल, वरिष्ठ बालरोग विशेषज्ञ सह–प्राध्यापक डा. शंकर पौडेल र संगठन व्यवस्थापन एवं परिचालन प्रमुख हरिबहादुर बस्नेतले श्रमिकका समस्या र चुनौतीका समसामयिक विषयमा बोलेका थिए ।

कार्यक्रममा नेपाल स्वास्थकर्मी संघ गण्डकी मेडिकल, कलेज इकाइ समिति अध्यक्ष दीपक कार्कीले श्रमिकका समस्या समाधान गर्न युनियन सधैँ तत्पर रहेको बताए ।

कोषाध्याक्ष अमृत पौडेलले युनियनको वित्तीय विवरणबारे प्रकाश पारेका थिए । कार्यक्रममा युनियनमा विशेष योगदान गरेकोमा डा. बुद्धिबहादुर थापा, किशान परियार र सूर्यबहादुर कार्कीलाई सम्मान गरिएको थियो ।

याङ्जाकोटमा सम्पन्न भएको अन्तक्र्रियामा नेपाल स्वास्थकर्मी संघ गण्डकी मेडिकल कलेजको टोलीलाई मादी ३ का जनप्रतिनिधि दीपा गुरूङ र छापा आमा समूहबाट स्वागत गरिएको थियो ।

नेपाल स्वास्थकर्मी संघ गण्डकी मेडिकल, कलेज इकाइ समिति अध्यक्ष दीपक कार्कीको अध्यक्षतामा भएको कार्यक्रममा स्वागत सल्लाहकार महेन्द्रराज कोइराला र सञ्चालन सचिव राजन पोख्रेलले गरेका थिए ।a