पोखरा । अन्तर्राष्ट्रिय नेपाली साहित्य समाज (अनेसास), नेपालको अध्यक्षमा राजेन्द्र केसी निर्विरोध भएका छन् ।

शनिबार उम्मेदवारी दर्तामा उनको नेतृत्वमा नयाँ कार्यसमिति निर्विरोध भएको हो । उपाध्यक्षमा निर्मलरमण पराजुली र मञ्जिला शर्मा, महासचिव रञ्जना निरौला, सचिव सुशीला खड्का हसिना र कोषाध्यक्ष कमला रिसाल निर्विरोध भए ।

सदस्यमा आकाश अधिकारी, शान्तिमाया गिरी, डि.आर, शान्ति न्यौपाने रिसाल, दुर्गाबहाुदर शाह (बाबा), सीता बिस्ट कार्की, हिरण्यलाल ज्ञवाली, सुमन वर्षा, सुचिता काफ्ले, द्वारिका कुइँकेल र इन्दिरा ढकाल रहेको निर्वाचन समिति संयोजक बद्रीनाथ भट्टराई उपाध्यायले बताए ।