पोखरा । लामो समय स्थगनपछि मंगलबार बसेको प्रदेश सभाको बैठकको शून्य समयमा १८ सांसदले भाग लिए । मुस्ताङको बाढीदेखि आफ्ना निर्वाचन क्षेत्रका विषयवस्तुमा उनीहरुले आवाज उठाए ।

आँखा रोगको महामारीदेखि लम्कीस्किनका सन्दर्भ पनि उनीहरुले उठाए ।

सांसद भोजराज अर्यालले त गल्याङको पिँडीखोलाको बर्थिङ सेन्टरका बारेमा बारम्बार सरकारलाई सुनाए पनि काम नभएको गुनासो गरे ।

भवन पुरानो भएर एउटा कोठाबाट मात्रै सेवा प्रवाह भइरहेको, सुत्केरी र स्वास्थ्यकर्मीको समेत ध्यान नपुगेको उनले बताए । हामी एअर लिप्टिङको कुरा गर्छाैं,  १५, २० लाख रुपैयाँ भए हुने ठाउँमा काम हुँदैन, उनले भने ।

शून्य समयमा कुसुम बुढा पुन, जीत शेरचन, कृष्ण पाठक, डिल्लीराम सुवेदी, दमयन्ती रुचाल, देवका पहारी त्रिपाठी, नम्डु गुरुङ, निर्मला थापा, पद्मा जिसी श्रेष्ठ, पार्वती तामाङ, प्रकाश बराल, फडिन्द्र देवकोटा, भक्तबहादुर कुँवर, भीमबहादुर कार्की, राजकुमारी भुजेल, रोशनबहादुर गाहा थापा, सीता सुन्दास, श्यामराजा महत, हरि भण्डारीले बोलेका थिए ।