पोखरा । सुजुकीका दुई एसयुभी जिम्नी र फ्रोन्क्स सोमबार पोखरामा सार्वजनिक गरिएको छ । सुजुकीको गण्डकी धौलागिरीको आधिकारिक वितरक बतास ब्रदर्श प्रालिले दुवै गाडी सार्वजनिक गरेको हो ।

पोखरामा भएको कार्यक्रममा बतासका प्रमुख सञ्चालन अधिकृत राजेश रानाभाटले गाडी सार्वजनिक गरेका हुन् । अधिकृत रानाभाटले पोखरामा सार्वजनिक गरेसँगै देशभर नै यसको बिक्री सुरु भएको बताए । सुजुकी जिम्नीको सुरुआती मूल्य ५९ लाख ९९ हजार रुपैयाँ र फ्रोन्क्सको मूल्य ३९ लाख ९९ हजार रुपैयाँ रहेको बतास ब्रदर्श, सुजुकीका सेल्स अफिसर बिक्की गुरुङले जानकारी दिए ।

सुजुकी फ्रोन्क्स नयाँ जेनेरेसनको स्टाइल र प्रिमियम मिश्रित एसयुभी भएको उनले बताए । द फेस अफ न्यु एसयुभीु भनिएको सुजुकी फ्रोन्क्स निकै आकर्षक र स्पोर्टी देखिन्छ भने यसमा रहेको अत्याधुनिक प्रविधिहरूले आरामदायी र सुरक्षित अनुभूति प्रदान गर्ने कम्पनीले जनाएको छ । प्रिमियम डिजाइन, नयाँ युगको फिचर्स, अत्याधुनिक सुरक्षित सुविधाहरूले सुसज्जित फ्रोन्क्सले आधुनिक नेपाली ग्राहकहरूको लागि सम्पूर्ण माग आपूर्ति गर्ने विश्वास कम्पनीको छ ।

सुजुकी जिम्नीको सुरुआती मूल्य ५९ लाख ९९ हजार र फ्रोन्क्सको ३९ लाख ९९ हजार रुपैयाँ रहेको

सुजुकी जिम्नी नेपाल र अन्तर्राष्ट्रिय बजारमा सबैभन्दा प्रतीक्षित कारमध्ये एक रहेको कम्पनीको भनाइ छ । सुजुकी जिम्नी अल्टिमेट अफ रोड एसयुभी हो । जुन जोहेभी–ड्युटी ल्याडर फ्रेम चेसिसमा निर्मित छ । यो पर्याप्त बडी एंगल र ग्राउन्ड क्लियरेन्सको साथ डिजाइन गरिएको छ । अफ–रोडको लागि उत्तम हुने गरी डिजाइन गरिएको जिम्नीमा २२.६८ सेमी स्मार्टप्ले प्रो इन्फोटेनमेन्ट सिस्टम, ६ एयरब्याग, इलेक्ट्रोनिक स्टेबिलिटी कन्ट्रोल, अटो टेम्परेचर कन्ट्रोल, हिल डिसेन्ट कन्ट्रोल जस्ता धेरै आधुनिक आरामदायी र सुरक्षित सुविधाहरू रहेको कम्पनीको दाबी छ ।

बतास बदर्श प्रा।लिका प्रमुख सञ्चालन अधिकृत राजेश रानाभाट र सुजुकीका सेल्स मेनेजर नवराज अधिकारीले देशमा रहेको फरक भौगोलिक अवस्था तथा त्यसमा अनुभव गर्न सकिने फरक ड्राइभिङ परिवेश तथा अवस्थितिका कारण पछिलो समयमा नेपाली बजारमा एसयुभी सवारीको माग उच्च रहेको र ग्राहकवर्गले पनि आकर्षक डिजाइन, आरामदायी इन्टेरियर, नयाँ नयाँ अटो मोबाइल प्रविधियुक्त सवारी नै रोज्ने गरेको बताए । इच्छुकलाई दुवै सवारीको टेस्ट ड्राइभको पनि व्यवस्था गरिएको छ ।