हेमजा । दायिक सेवा केन्द्र एवं सामुदायिक प्रहरी सेवा हेमजाको आयोजनामा शनिबार स्थानीय दोविल्ला घाट सरसफाइ गरिएको छ ।

केन्द्रका अध्यक्ष दानबहादुर भुजेलको नेतृत्वमा भएको सरसफाईमा अस्थायी प्रहरी पोस्ट हेमजा, नेपाल रेडक्रस सोसाइटी हेमजा उपशाखा, लायन्स क्लब अफ हेमजा, लियो क्लब अफ हेमजा, लियो क्लब पोखरा गण्डकी, रुद्रमहादेव टोल विकास संस्था, कुँवरवस्ती टोल विकास संस्था लगायतको सहभागिता थियो । संकलित फोहोर थुप्रो बनाई छोपी, अठ्याएर राखिएको छ ।

कार्यक्रममा धारणा राख्दै केन्द्रका अध्यक्ष भुजेलले समाजलाई सभ्य बनाउने दायित्व आम नागरिकको भएको भन्दै सभ्य व्यवहारसँगै समाज पनि समृद्ध बन्ने औँल्याए । केन्द्रले आगामी शनिबार बाबियाँतरा घाट सरसफाइ गर्ने भएको छ । त्यसका साथै मरेघाट र तुलसीघाट पनि सरसफाइ गर्ने कार्यक्रम रहेको जनाइएकोे छ ।

केन्द्रले हाल सार्वजनिक स्थल सरसफाइका अलवा विद्यालय तहका विद्यार्थीलाई लागुपदार्थ दुव्र्यसनी, साइबर सुरक्षा, यौन दुव्र्यवहारसम्बन्धी सचेतनामूलक कक्षा पनि सञ्चालन गर्दै आइरहेको छ ।