पोखरा । भारतको नयाँ दिल्लीमा उपचाररत ३१ वर्षीया पूजा अधिकारी कार्की परिवारलाई सहयोग रकम हस्तान्तरण गरेको छ । लालीगुराँस युवा क्लब, फेदीखोला २, खहरे स्याङ्जाले फोक्सोको क्यान्सरबाट पीडित पूजालाई सहयोग गरेको हो ।

क्लबको पहलमा संकलित ३ लाख २९ हजार ७ सय २९ रुपैयाँ क्लबका अध्यक्ष शंकर कार्की, ज्येष्ठ नागरिक समाजसेवी मानबहादुर कार्की र कोषाध्यक्ष समीर कार्कीले संयुक्त रुपमा पूजाका ससुरा धर्मराज कार्कीलाई हस्तान्तरण गरेका हुन् । पूजाका ससुरा धर्मराज कार्कीले क्लबप्रति आभार व्यक्त गरे ।

क्लबका अध्यक्ष शंकर कार्कीको अध्यक्षतामा भएको कार्यक्रम सचिव सुजन पौडेलले सञ्चालन गरेका थिए ।