पोखरा । समाजसेवी एवं शिक्षासेवी मेजर तुलसीप्रसाद गुरुङको निधनमा अमरसिंह माध्यमिक विद्यालयले शोक सभा गरेको छ ।

शुक्रबार विद्यालयको पठनपाठन बन्द गरेर आयोजित शोकसभामा विद्यालय व्यवस्थापन समितिका पूर्व अध्यक्षसमेत रहेका उनको योगदानको स्मरण गरिएको थियो । कार्यक्रममा विद्यालय व्यवस्थापन समितिका पदाधिकारी, विद्यालय परिवार तथा विद्यार्थीको उपस्थिति थियो ।

विद्यालय व्यवस्थापन समिति तथा भवन निर्माण समितिमा रहेर लामो समय योगदान पु¥याएका मेजर तुलसीप्रसादको विद्यालयले सधैं स्मरण गरिरहने विद्यालय प्रध्यानाध्यापक तेजश्वी बरालले बताए ।

२ कार्यकाल (करिब ९ वर्षसम्म) विद्यालय व्यवस्थापन समिति अध्यक्षमा रही योगदान पु¥याएका स्व. तुलसीप्रसादले विद्यालय भवन निर्माण समितिमा पनि ४ वर्षसम्म अध्यक्ष रहेर काम गरेका थिए । पोखरा १२, अन्नपूर्णटोल निवासी उनको ८४ वर्षको उमेरमा अघिल्लो शनिबार उपचाक्रममा हृदयघातका कारण भारतमा निधन भएको थियो ।
बिहीबारमात्र रामघाटस्थित बौद्ध अर्घौ सदनमा जातीय परम्पराअनुसार अन्त्येष्टी भएको थियो । उनका श्रीमती, १ छोरा, २ छोरी, २ नाति र ७ नातिनी छन् ।
१९९६ मंसिर ४ मा कास्कीको मिजुरेडाँडा ४, पाखुरीकोटमा जन्मिएका उनी सामाजिक सेवामा निकै अग्रसर थिए ।