पोखरा । जनता समाजवादी पार्टीनेतृ बुद्धिकुमारी गुरुङले पार्टी परित्याग गरेकी छन् । प्रतिनिधि सभा सदस्य निर्वाचनमा कास्की क्षेत्र २ बाट उम्मेदवार बनेकी उनले पार्टी परित्याग गरी राप्रपा रोजेकी हुन् ।

राप्रपा कास्कीले शुक्रबार एक समारोह आयोजना गरी उनलाई पार्टीमा स्वागत गरेको छ । गण्डकी प्रदेशका पूर्व मन्त्री समेत रहेका राप्रपा गण्डकी प्रदेश अध्यक्ष पञ्चराम गुरुङ र राप्रपा कास्की अध्यक्ष नारायण गुरुङले नेतृ बुद्धिकुमारीलाई राप्रपामा स्वागत गरे ।