पोखरामा हाफ म्याराथन हुने

आदर्श समाज सम्वाददाता
जेठ २६, २०८०

लेखनाथ । पोखरा महानगरपालिका खेलकुद विकास समितिको आयोजना तथा कास्की एथ्लेटिक्स संघको प्राविधिक सहयोगमा शनिबार हाफ म्याराथन हुने भएको छ । कास्कीका ८ तालहरूको प्रचारप्रसारमा सहयोग पुग्ने गरी ‘तालदेखि तालसम्म’‘ भन्ने नाराका साथ ३ समूहमा हुने म्याराथनबारे बिहीबार आयोजित पत्रकार सम्मेलनमा जानकारी दिइयो ।

पोखरा महानगरपालिका खेलकुद विकास समितिका अध्यक्ष दीपकबहादुर गोदारले तयारी अन्तिम चरणमा पुगेको जानकारी दिए । लेखनाथ रंगशालाबाट सुरु हुने हाफ म्याराथन लेखनाथका विभिन्न ठाउँमा पुगी बेगनासताल किनारा हुँदै पुन लेखनाथ रंगशालामा पुगेर सकिनेछ । प्रतियोगिताको पुरुषतर्फ राष्ट्रिय खुला २१ किमी, महिलातर्फ राष्ट्रिय खुला १० कि मि र विद्यालयतर्फ छात्र र छात्राको ५ किमी सडक दौड हुने छ । प्रतियोगिता सञ्चालनमा करिब ८ लाख खर्च हुने अनुमानसमेत गरिएको पोखरा महानगरपालिका खेलकुद विकास समितिका सदस्य सचिव सुवास खड्काले बताए ।

हाफ म्याराथनको २१ र १० किमीमा प्रथम हुनेलाई क्रमशः ३० हजार, द्वितीय हुनेलाई २० हजार र तृतीय हुनेलाई १० हजार नगद मेडल र प्रमाणपत्र प्रदान गरिने छ भने विद्यालय छात्र र छात्रा ५ किमीतर्फ प्रथम हुनेलाई १५ हजार, द्वितीय हुनेलाई १० हजार, तृतीय हुनेलाई ५ हजार, चौथो हुनेलाई १५ सय र पाँचौ हुनेलाई १ हजार नगद मेडल र प्रमाणपत्र प्रदान गरिने छ । म्याराथनतर्फ पोखरा च्याम्पिन १ जनालाई १० हजार नगदसहित मेडल, प्रमाणपत्रसहित उचित पुरस्कार प्रदान गरिने भएको छ ।

सम्बन्धित समाचार

हेमजा गोल्डकप विजेतालाई ६ लाख

आदर्श समाज सम्वाददाता असाेज १०, २०८०

पोखरा । हेमजामा आगामी कात्तिक ११ देखि १८ गतेसम्म हुन लागेको सातौं अन्तर्राष्ट्रिय हेमजा गोल्डकप विजेता समूहले ६ लाख ५५…
१९ औं एसियाली खेलकुद : २२८ पदकको छिनोफानो, नेपाल पदकविहीन

आदर्श समाज सम्वाददाता असाेज १०, २०८०

हाङझाउ (चीन) । १९ औं एसियाली खेलकुद, २०२२ अन्तर्गत सोमबारसम्म २ सय २८ पदकको छिनोफानो भएको छ । एसियाली खेलकुदमा…
पाठकलाई प्रदेश खेलकुद परिषद् गण्डकीको नि.सदस्यसचिव जिम्मेवारी

आदर्श समाज सम्वाददाता असाेज ५, २०८०

पोखरा, ५ असोज । प्रदेश खेलकुद परिषद् गण्डकीको निमित्त सदस्यसचिवको जिम्मेवारी पत्रकार केशव पाठकले पाएका छन् । सदस्यसचिव श्रीधर शर्मा…
राइनास–५ लाई भलिबल उपाधि

आदर्श समाज सम्वाददाता असाेज ५, २०८०

लमजुङ । जिल्लास्तरीय अन्तरवडा भलिबल प्रतियोगिताको उपाधि राइनास नगरपालिका–५ ले जितेको छ । फाइनलमा मध्यनेपाल नगरपालिका–५ लाई ३–२ सेटले पराजित…
हेमजा गोल्डकपको तयारी

आदर्श समाज सम्वाददाता असाेज ५, २०८०

पोखरा । हेमजामा सातौं संस्करणको अन्तर्राष्ट्रिय हेमजा गोल्डकपको तयारी थालिएको छ । हेमजा युनाइटेडको आयोजनामा आउँदो कात्तिक ११ देखि १८…