पोखरा । मिडिया नेपालका केन्द्रीय उपाध्यक्ष तथा गण्डकी प्रदेश अध्यक्ष सूर्य बास्तोलालाई पितृशोक परेको छ । उनका पिता पोखरा–२० भलाम निवासी लीलाधर बास्तोलाको ७६ वर्षको उमेरमा बुधबार निधन भएको हो ।

सामाजिक क्षेत्रमा क्रियाशील बास्तोला हरिहर भजन समितिका अध्यक्ष तथा भलाम डाँडाखोर सहकारी संस्थाका पूर्व सञ्चालक समिति सदस्य थिए । उनले लामो समय पोखरा नगरपालिकामा प्रहरी हबल्दार रहेर सेवा गरेका थिए ।

बास्तोलाका ३ छोरा विष्णु, मीनु र सूर्य, १ छोरी सरस्वती ठकुरी तथा नातिनातिना रहेका छन् ।