नर्सको मनोबल बढाउन अन्तक्र्रिया

आदर्श समाज सम्वाददाता
जेठ २६, २०८०

पोखरा । नेपाल युथ नर्स सोसाइटीको आयोजनामा पोखराका नर्सहरुको मनोबल उच्च बनाउन अन्तक्र्रिया तथा क्षमता अभिवृद्धि कार्यक्रम भएको छ । विभिन्न नर्सिङ कलेज तथा अस्पतालका नर्ससँग भएको अन्तक्र्रियामा वक्ताले नर्सहरुको समस्याका विषयमा बोलेका थिए । अस्पतालमा नर्स र बिरामीको समन्वय हुन नसकेको, जिम्मेवारी अनुसारको पारिश्रमिक नभएको, सरकारले नर्सका विषयमा चासो नदिएको जस्ता गुनासा नर्सहरुको थियो ।

अस्पताल प्रशासन र राज्यले नर्सिङ क्षेत्रमा देखाउनु पर्ने चासो नदेखाएको सहभागीको भनाइ थियो । राज्यले तदारुकताका साथ नर्सिङ क्षेत्रमा समस्याको पहिचान गरी अनुगमन र उचित नीति नियम कार्यान्वयन गरिदिन उनीहरुको माग छ । पछिल्लो समय सामाजिक सञ्जालमा नर्सहरुको पेसाप्रति गलत टिप्पणी आइरहेको हुँदा उनीहरुको मनोबल गिर्न नदिन कार्यक्रमको आयोजना गरिएको कार्यक्रम संयोजक सरस्वती पुरीले बताइन् । नर्सहरुको समस्या बुझ्न र उनीहरुको मनोवल उच्च राख्न क्षमता अभिवृद्धि कार्यक्रम आयोजना गरिएको उनको भनाइ छ ।

कार्यक्रमले अहिले नर्सका समस्या के के छन् थाहा पाउन सहज भएको कार्यक्रम सहसंयोजक सरस्वती श्रेष्ठले बताइन् । पोखराका विभिन्न नर्सिङ क्याम्पस र अस्पतालका ५० जनाले कार्यक्रममा भाग लिएका थिए । कार्यक्रम सञ्चालन विवेक रानाभाटले गरेका थिए ।

सम्बन्धित समाचार

काठमाडौं म्याराथनमा इनड्राइभको सहकार्य

आदर्श समाज सम्वाददाता असाेज १०, २०८०

काठमाडौं । १५ औं काठमाडौं म्याराथनका लागि इनड्राइभसले सहकार्य गरेको छ । २७ असोजमा दशरथ रंगशालामा सुरु हुने म्याराथनमा सहभागीले…
तिब्बती शरणार्थीसँग त्रसित चीन

प्रकाश ढकाल असाेज ९, २०८०

पोखरा । सन् १९५९ मा तिब्बतबाट भागेका खम्पा विद्रोहीहरुसँग चीन अहिले पनि त्रसित छ । उनीहरु नेपालका विभिन्न ठाउँमा शिविर…
साढे २३ करोडमा सभागृह निर्माण

रासस असाेज ८, २०८०

दमौली । राष्ट्रपति रामचन्द्र पौडेलले तनहुँको व्यास नगरपालिका–३ मा निर्माण गरिएको दमौली सभागृहको उद्घाटन गरेका छन् । सहरी विकास मन्त्रालयको…
वात्स्यायनलाई पद्मश्री साधना सम्मान, मनुलाई पद्मश्री साहित्य पुरस्कार र सुरेशराज शर्मालाई पद्मश्री गौरव पुरस्कार

आदर्श समाज सम्वाददाता असाेज ८, २०८०

पोखरा । पद्मश्री साहित्य पुरस्कार समालोचक तथा आख्यानकार डा. देवीप्रसाद सुवेदीको उपन्यास मनुले प्राप्त गरेको छ । खेमलाल हरिकला लामिछाने…
स्थानीयका कर्मचारी पनि आन्दोलित

आदर्श समाज सम्वाददाता असाेज ४, २०८०

पोखरा । आफूहरूको माग सम्बोधन हुने गरी संघीय निजामती विधेयक ल्याउन दबाब दिँदै स्थानीय तहका कर्मचारीले पनि आन्दोलनको तयारी थालेका…