हेमजा  । अन्नपूर्ण गाउँपालिका अध्यक्ष विष्णुबहादुर केसी नेपाली सेनाद्वारा सम्मानित भएका छन् । उनलाई प्रधानसेनापति प्रशंसा निशान प्रदान गरी सम्मान गरिएको हो ।

विश्व वातावरण दिवस २०२३ अवसरमा नेपाली सेनाद्वारा जङ्गी अड्डामा आयोजित सफा हिमाल अभियान–२०२३ को समापन समारोहमा प्रधानसेनापति महारथी प्रभुराम शर्माले अध्यक्ष केसीलाई उक्त निशान प्रदान गरी सम्मान गरे ।

जैविक विविधता तथा पर्यावरण संरक्षण गर्ने उद्देश्य अनुरुप नेपाल सरकारको राष्ट्रिय कार्यक्रमअन्तर्गत नेपाली सेनाको अगुवाइमा सञ्चालन भएको सफा हिमाल अभियानमा प्रत्यक्ष संलग्न भई योगदान पु¥याएको भन्दै सम्मान गरिएको हो ।
अभियानअन्तर्गत नेपाली सेनाको अगुवाइमा अन्नपूर्ण हिमाल, ल्होत्से हिमाल र सगरमाथा हिमालमा सरसफाइमा ३४ टन फोहोर संकलन भएको थियो ।