पोखरा । पोखरा इन्जिनियरिङ कलेजको आर्किटेक्चर तेस्रो वर्षका विद्यार्थी भारत प्रस्थान गरेका छन् । नेसनल एसोसिएसन अफ स्टुडेन्ट अफ आर्किटेक्चर (नासा) भारतको आयोजनामा पञ्जाबको जालन्धरमा
२६ देखि २९ जेठसम्म हुने ६५ औं सम्मेलनमा भाग लिन त्यसतर्फ प्रस्थान गरेका हुन् ।

सम्मेलनमा दक्षिण एसिया राष्ट्रका करिब ३ सयभन्दा बढी कलेजका विद्यार्थीले भाग लिने सम्मनेलमा विशेष गरेर डिजाइनसम्बन्धी विषयबस्तुमाथि केन्द्रित रहेको छ । प्रबुद्ध आर्किटेक्चरको पनि सहभागिता रहने सो सम्मेलनमा कि–नोट स्पिकर साथै मास्टर क्लास, सेमिनार, ६० भन्दा बढी वर्कसप र विभिन्न सांस्कृतिक कार्यक्रम हुने विभागीय प्रमुख आ. प्रद्युम्न अधिकारीले बताए ।

सार्क राष्ट्रभित्रका स्नातक तह आर्किटेक्चरका करिब ४ हजार विद्यार्थीको जमघट रहने सो सम्मेलन विद्यार्थीको ज्ञान अभिवृद्धिको लागि एक उपयुक्त प्लेटफर्म रहेको कलेजकी प्रिन्सिपल आ. रोजना जोशीले बताए । नासा भारत आर्किटेक्चर विद्यार्थीहरुको एउटा बृहत् संस्था हो । जसले हरेक वर्ष भारतका विभिन्न क्षेत्रका कलेजमा यस प्रकारको सम्मेलन आयोजना गर्ने गर्दछ ।