पोखरा । पोखराको फूलबारी निवासी रिखीराम शर्मा पौडेल नहरमा मृत फेला परेका छन् । उनी ४२ वर्षका थिए ।

स्थानीयको सूचना आधारमा कास्की प्रहरीले गएराति पोखरा १४, नवीन टोलस्थित नहरमा उनलाई मृत फेला परेका हुन् । शव पोस्टमार्टमका लागि पश्चिमाञ्चल क्षेत्रीय अस्पताल लगिएकोमा उनका छोराले सनाखत गरेको प्रहरीले जनाएको छ। उनको मृत्युको विषयमा अनुसन्धान भइरहेको कास्की प्रहरीले जनाएको छ ।