अक्षरयात्राको १९९ औं कार्यक्रम मट्टीखानमा

आदर्श समाज सम्वाददाता
जेठ २३, २०८०
achher news

पोखरा । गजलसन्ध्या र नवनीत साहित्य सागरद्वारा २०६२ सालदेखि अविच्छिन्न रुपमा सञ्चालन गर्दै आइरहेको पर्यटकीय साहित्यिक कार्यक्रम अक्षरयात्राको १९९ औं कार्यक्रम मट्टीखानमा सम्पन्न भयो ।

सिर्जनशील व्यावसायिक किसान समूह, पोखरा–२१ भीरस्वाँराको स्थानीय व्यवस्थापनमा भएको कार्यक्रममा पोखरा र आसपासका क्षेत्रबाट स्थानीय लाम्पोखरीको नजिकै महादेवको मन्दिरको प्रांगणमा कार्यक्रम गरिएको थियो ।

सिर्जनशील व्यावसायिक किसान समूह तथा कौसीबारी करेसाबारी फलफूल एवं तरकारी उत्पादनसँग सम्बन्धित अभियन्ता किसानहरू, संगठनका पदाधिकारी एवं स्थानीय किसानको उपस्थितिमा सञ्चालित कार्यक्रममा कौसी खेतीका अभियन्ता नारायण अधिकारीले आफू कौसी खेतीमा प्रतिबद्ध भएकाले नै काठमाडौंबाट आइपुगेको बताउँदै काव्यवाचन गरे ।

कृषि कार्यालयका प्रतिनिधि मनहर कडरियाले किसानहरूको भलाइका लागि सक्दो सहयोग गर्ने बताए । नेपाली लेखक संघ, गण्डकी प्रदेशका अध्यक्ष डा. ईश्वरमणि अधिकारी, लक्ष्मण थापा, गण्डकी साहित्य संगमका अध्यक्ष भीम रानाभाट, अम्बिकाप्रसाद भट्टराई, भावना रानाभाट, शिवहरि बास्तोला, शिव त्रिपाठी, कृष्ण सुवेदी, भरत आचार्य, सीता बराल, सिर्जना ढकाल, अनिता दाहाल, शुभ शर्मा, जिज्ञासु सापकोटा, सुजीत चौधरी, विजय अधिकारी, लाल कार्की ‘अन्जान’, लेखनाथ खनाल, मनोज विक’ भावुक’, सुरज उपाध्याय, सबिता बराल, रमा खतिवडा, अमृता पोख्रेल, विश्व अधिकारी, भेषराज पौडेललगायतले कविता, मुक्तक, गजल र गीत प्रस्तुत गरेका थिए ।

सिर्जनशील व्यवसायिक कृषि समूहका तर्फबाट विजय पौडेलले स्वागत गरेको उक्त कार्यक्रमलाई आर्थिक एवं नैतिक सहयोग गर्ने हाल अमेरिकामा कार्यरत यम पौडेलले पठाएको शुभकामना तथा कविता पनि वाचन गरिएको थियो । गजल सन्ध्याका अध्यक्ष वसन्त विनोद र समूहका अध्यक्ष माधव पौडेलको संयुक्त अध्यक्षतामा भएको कार्यक्रम सञ्चालन गजल सन्ध्याका सचिव रुपक र सिर्जनशील व्यावसायिक कृषि समूहका तर्फबाट विजय पौडेलले स्वागत गरेका थिए ।

Related News

सम्बन्धित समाचार

  • सञ्जीवले ल्याए ‘जून ओर्लेको रात’

    आदर्श समाज सम्वाददाता चैत्र ११, २०८०
    पोखरा । कवि सञ्जीव पौडेलको कवितासंग्रह ‘जून ओर्लेको रात’ बजारमा आएको छ । शनिबार पोखरामा आयोजित दौंतरी कार्यक्रममा उक्त कृति…
  • ‘प्रिया !’ मुक्तक संग्रह लोकार्पण

    आदर्श समाज सम्वाददाता चैत्र ११, २०८०
    पोखरा । उपप्राध्यापक सुरज पौडेलद्वारा लिखित ‘प्रिया !’ मुक्तक संग्रह लोकार्पण गरिएको छ । सिर्जनशील लोकतान्त्रिक प्रतिष्ठान पोखरा आयोजनामा शनिबार…
  • फेवाताल किनारमा चित्ताकर्षक ओडिसी नृत्य

    आदर्श समाज सम्वाददाता चैत्र १०, २०८०
    पोखरा । नेपाल र भारतको समृद्ध सांस्कृतिक सम्पदा मनाउन पोखरामा शनिबार साँझ भारतीय शास्त्रीय ओडिसी नृत्य र नेपाली लोकनृत्य प्रस्तुत गर्दै…
  • कर्मचारी युनियन कास्कीको क्यालेन्डर

    आदर्श समाज सम्वाददाता चैत्र ९, २०८०
    पोखरा । नेपाल निजामती कर्मचारी युनियन कास्कीले विसं २०८१ को क्यालेन्डर निकालेको छ । शुक्रबार पोखरा आयोजित शुभकामना आदानप्रदान कार्यक्रममा…
  • जसुलाई रोटरी भोकेसनल एक्सिलेन्स अवार्ड

    आदर्श समाज सम्वाददाता चैत्र ५, २०८०
    पोखरा । पोखराकी जसु गुरुङ १ लाख राशिको रोटरी भोकेसनल एक्सिलेन्स अवार्डबाट सम्मानित भएकी छन् । महिलालाई सामाजिक सेवामा प्रोत्साहित…

hero news full width