पोखरा। प्रेस चौतारी नेपाल कास्कीको २५ औं साधारणसभाले ‘११ बुँदे पोखरा घोषणापत्र’ जारी गरेको छ । नेपाल पत्रकार महासंघको सदस्यता शुद्धीकरण अभियानमा पूर्ण समर्थन गर्दै अक्षरसः पालना गर्न चौतारीले जोडदार माग गरेको छ ।
यस्तै, प्रेस तथा अभिव्यक्ति स्वतन्त्रता कुण्ठित हुने गरी प्रेसमाथि हुँदै आएको सबैखाले गलत क्रियाकलाप बन्द गर्न र प्रेसप्रति जिम्मेवार बन्न सरकारसहित सम्बद्ध सबैसँग आग्रह गरेको छ । सरकारले बजेटमार्फत आगामी आर्थिक वर्षदेखि वृद्धि हुने गरी ल्याएको पत्रकारको न्युनतम पारिश्रमिक कडाइका साथ कार्यान्वयन गर्न चौतारीले माग गरेको छ ।
श्रमजीवी पत्रकाररुले नियमित श्रमको उचित मूल्य नपाएको र विभिन्न बहानामा पत्रकार कर्मचारीहरु हटाउने योजनाहरु सार्वजनिक भइरहेको हुँदा प्रेस चौतारी नेपालको यस विषयमा गम्भीर ध्यानकर्षण भएको जनाएको छ । मौजुदा पत्रकार कर्मचारीलाई न्युनतम नियमित र दीर्घकालीन रुपमा पारिश्रमिक उपलब्ध गराउन सबै सञ्चार माध्ययमसमक्ष माग पनि गरेको छ ।
अर्थ मन्त्रालयले बजेट नदिएका कारण जेठ १५ देखि विज्ञापन बोर्डले लोक कल्याणकारी विज्ञापनको भुक्तानी रोक्ने भनी सञ्चार माध्ययमलाई पत्राचार गरेकोप्रति गम्भीर ध्यानाकर्षण भएको जनाएको छ । अर्थ मन्त्रालयलाई तुरुन्त बजेट उपलब्ध गराउन र आवश्यक समन्वय गरिदिन सञ्चार तथा सूचना प्रविधि मन्त्रालयलाई आग्रह पनि गरेको छ ।
सरकारी सञ्चारमाध्यममा कार्यरत पत्रकारलाई आस्थाको आधारमा गरिएको विभेद र अन्यायप्रति ध्यानाकर्षण गराएको छ ।
साना लगानीका सञ्चारमाध्यम धराशायी बन्दै गएको अवस्थामा यसलाई जोगाउन संघीय सरकार, प्रदेश सरकार र स्थानीय सरकारलाई विषेश योजना र बजेटको व्यवस्था गर्न माग पनि गरेको छ ।
आमसञ्चार क्षेत्रमा नयाँ प्रविधिको तीव्र विकास भइरहेको अवस्थामा प्रविधिको विकाससँगै नयाँ प्रतिभाहरुलाई प्रेस चौतारी नेपालमा संगठित गरी प्रेस चौतारी नेपाललाई श्रमजीवी पत्रकारहरुको अग्रणी संगठनको रुपमा लैजाने दृढ संकल्प र प्रण गरेको चौतारीले गरेको छ ।
गहिरिँदै गएको आर्थिक संकट समाधान गर्न सरकार गम्भीर नदेखिँदा पर्यटन क्षेत्रमा समेत नकरात्मक प्रभाव परेकाले पोखरासहित देशभरका पर्यटन क्षेत्रको पुनर्उत्थानका लागि विषेश प्याकेज ल्याउन माग गरिएको छ ।
चौतारीका केन्द्रीय सदस्य एवं कास्की इञ्चार्ज रुद्र श्रीषमगरको संयोजकत्वमा घोषणापत्र तयारी समिति गठन गरिएको थियो । सदस्यमा आश गुरुङ, रोशनी गुरुङ, कमल सुवेदी र खिमा गुरुङ थिए ।
साधारणसभाको चौतारीका केन्द्रीय अध्यक्ष गणेश बस्नेतले उद्घाटन गरेका थिए ।
Related News
सम्बन्धित समाचार
एमाले कास्कीमा को-को निर्वाचित ? (अन्तिम मतपरिणामसहित)
एमाले कास्कीमा नयाँ नेतृत्वका लागि मतदान
एमाले कास्की अधिवेशन : दुइतिहाइले बुझे मनोनयन फाराम
ओली नआउँदा पोखरेलद्वारा एमाले कास्की अधिवेशन उद्घाटन
एमाले कास्की अधिवेशन आजदेखि : पृथ्वीसुब्बा र खगराजको शक्ति परीक्षण
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्की अध्यक्षमा बैनबहादुर विजयी
चैत्र १४, २०८०