चालक तथा सहचालकलाई प्रशिक्षण

आदर्श समाज सम्वाददाता
जेठ २२, २०८०

पोखरा । नेपाल पर्यटक यातायात व्यवसायी संघ (एनटिभिए) गण्डकी प्रदेशले चालक तथा सहचालकलाई प्रशिक्षण दिएको छ ।

पर्यटक यातायात सेवालाई गुणस्तरीय र भरपर्दो बनाउने उद्देश्यका साथ संघसँग आवद्ध १२० जना चालक तथा सहचालकलाई प्रशिक्षण दिइएको संघका अध्यक्ष बाबुराम पाण्डेले जानकारी दिए ।

संघसँग पर्यटक स्तरीय लगभग ४०० को संख्यामा पर्यटक सवारीसाधन रहेको बताउँदै उनले वार्षिक कार्ययोजना अनुरुप नै प्रशिक्षण दिइएको बताए ।
पोखरा पर्यटन परिषद्का अध्यक्ष पोमनारायण श्रेष्ठले पर्यटकको आतिथ्यतामा चालक तथा सहचालकको भूमिका महत्वपूर्ण हुने बताए । चालक तथा सहचालकले गर्ने व्यवहारले पर्यटकमा महत्वपूर्ण प्रभाव पार्ने बताउँदै उनले सभ्य तथा शिष्ट व्यवहार गर्नुपर्नेमा जोड दिए ।

आतिथ्यता व्यवस्थापन (हस्पिटालिटी म्यानेजमेन्ट) बारे प्रशिक्षण दिँदै संघका पूर्व अध्यक्ष एवं सल्लाहकार बोबरजंग गुरुङले हामीले बोल्ने बोली र गर्ने व्यवहारले सभ्यताको संकेत गर्ने बताए ।

संघका अध्यक्ष पाण्डेको सभापतित्व एवम् प्रथम उपाध्यक्ष दुर्गादत्त दहालले स्वागत गर्नुभएको कार्यक्रमको सञ्चालन महासचिव विकासप्रसाद कँडेलले गरेका थिए ।
कार्यक्रममा अग्नी ग्रुपका प्रमुख रामेश्वर महर्जजन, बजार प्रमुख राजेश रानाभाट, बतास बर्दश (युडिआर) प्रमुख विनोद पोते, प्रहरी बरिष्ठ नायव निरिक्षक शिवप्रसाद पाठकले प्रशिक्षण दिएका थिए ।

सम्बन्धित समाचार

बिनु र तारालाई मीना सिर्जनशील समावेशी पुरस्कार

आदर्श समाज सम्वाददाता असाेज ९, २०८०

पोखरा । मीना सिर्जनशील समावेशी पत्रकारिता पुरस्कारबाट पत्रकारद्वय बिनाकुमारी थापा ‘बिनु’ र बालकुमारी पौडेल ‘तारा’ लाई सम्मान गरिने भएको छ…
नेपाल प्रेस युनियन केन्द्रीय उपाध्यक्ष ऋषिकान्तलाई यातायात पुरस्कार

आदर्श समाज सम्वाददाता असाेज १, २०८०

पोखरा । पत्रकार ऋषिकान्त पौडेललाई यातायात व्यावसायिक पत्रकारिता पुरस्कार–२०८० प्रदान गरिने भएको छ । पोखरा यातायात प्रालिले प्रदान गर्ने उक्त…
माउन्ट अन्नपूर्णमा बालदिवस

आदर्श समाज सम्वाददाता भाद्र ३१, २०८०

पोखरा । माउन्ट अन्नपूर्णमा मावि नदीपुरमा विविध कार्यक्रमहरुका साथ बालदिवस मनाइएको छ । विगतका वर्षझंै यसपालि पनि बालदिवसको अवसरमा प्रतिभा…
तारा एअरले सोमबारदेखि पोखरा–जोमसोम उडान थाल्ने

आदर्श समाज सम्वाददाता भाद्र २४, २०८०

पोखरा । प्रतिकुल मौसमसँगै बन्द भएको पोखरा–जोमसोमको उडान २५ गते सोमबारदेखि तारा एअरले नियमित गर्ने भएको छ । विस्तारै मौसम…
नेविसंघ कास्कीको रक्तदानमा ५२ युनिट रगत

आदर्श समाज सम्वाददाता भाद्र २४, २०८०

पोखरा । नेपाल विद्यार्थी संघ कास्कीले ११० औं विपी जयन्तीको अवसरमा आयोजना गरेको रक्तदानमा ५२ युनिट रगत संकलन भएको छ…