पोखरा । पोखरा २६ मा राष्ट्रिय स्वतन्त्र पार्टीको वडा भेलाले वैकुण्ठ बरालको अध्यक्षतामा तदर्थ वडा समिति गठन गरेको छ ।

११ सदस्यीय समिति उपसभापतिमा लक्ष्मी रानाभाट र सचिवमा विष्णुप्रसाद सापकोटालाई चयन गरिएको हो । सदस्यमा चन्द्रज्योति ढुंगाना, मेखहादुर बञ्जरा, अप्सरा पौडेल बराल, कृष्ण कार्की, मुनाकुमारी घिमिरे, भरत पौडेल, यदुलाल लामिछाने र रमेश परियार छन् ।

सोही भेलाले संस्थापक अध्यक्ष हितबहादुर थापालाई वरिष्ठ सल्लाहकारमा चयन गरिएको छ । अन्य सल्लाहकारमा हरिप्रसाद अधिकारी, आनन्द बजगाईं, रामजी बराल, शिवप्रसाद अधिकारी, खेमलाल अधिकारी, रोहितप्रसाद बराल, रेवती अधिकारी, नारायणप्रसाद रानाभाट, खेमराज बराल, जीवन ढुंगाना, एकेन्द्र बञ्जरा र नारायण लामिछाने छन् ।

भेलाले एलपी ढुंगानाको संयोजकत्वमा र्‍यापिड एक्सन टिमको समेत गठन गरेको छ । सदस्यमा सूर्यनाथ ढुंगाना, विष्णुहरि अधिकारी, खेम शर्मा र सूर्यनाथ लामिछाने छन् । अन्य सदस्य पछि थप गरिनेछ ।

यसअघि, कार्यक्रम उद्घाटन गर्दै पूर्व शिक्षामन्त्री तथा सांसद शिशिर खनालले नेपाल बहुधर्म, भाषा, संस्कृति र जातजाति भएको देश भएकाले सबैलाई समेट्ने गरी संवैधानिक समाजवाद सिद्धान्तलाई पार्टीले अंगिकार गरेको धारणा राखेका थिए ।

कार्यक्रममा सासंद शिव नेपाली, केन्द्रीय प्रशिक्षण विभागका सदस्य माधवप्रसाद कँडेल, पोखरा महानगरपालिकाका सभापति नारायणप्रसाद आचार्य, जिल्ला संयोजक राजु राई, प्रदेश सदस्य डा. दीपक बास्तोला, स्थानीय लेखनाथ सापकोटा र एकेन्द्र बञ्जरा लगायतले बोलेका थिए । तदर्थ समिति संयोजक हितबहादुर थापाको अध्यक्षतामा भएको कार्यक्रममा स्वागत उपाध्यक्ष लक्ष्मी रानाभाट र सञ्चालन सचिव विष्णु सापकोटाले गरेका थिए ।