पोखरा । नेपाली कांग्रेसका पूर्व महाधिवेशन प्रतिनिधि महिला नेतृ गंगा केसीको निधन भएको छ । ७४ वर्षे केसीको बिहीबार बेलुका निधन भएको हो ।

पोखरा महानगर पस्र्याङ निवासी केसी लामो समयदेखि क्यान्सर बिरामी थिइन् । गण्डकी मेडिकल कलेजमा उपचारकै क्रममा उनको निधन भएको हो

।
केसीको शुक्रबार तुलसीघाटमा दाहसंस्कार भएको हो । उनको पार्थिव शरीरमा कांग्रेसका सहमहामन्त्री जीवन परियार, पूर्व मन्त्री यज्ञबहादुर थापा, कास्की सभापति किशोरदत्त बराल, क्षेत्रीय सभापति मनोज गुरुङ, लगायतले पार्टीको झन्डा ओढाए ।

उनको निधनमा कास्की कांग्रेस सभापति किशोरदत्त बरालले शोक विज्ञप्ति जारी गरी दुख व्यक्त गरेका छन् । प्रजातान्त्रिक आन्दोलनमा सदैव अग्रपंक्तिमा रहने केसी सिद्धान्तप्रति निष्ठाप्रति निष्ठावान कर्मशील, अत्यन्त सरल र प्रष्टवादी नेता रहेको उनले उल्लेख गरेका छन् ।