पोखरा । नारीशक्ति जागरण आमा समूह पोखरा १७ आँखा अस्पतालचोकद्वारा मानव सेवा आश्रम छोरेपाटनमा भोजनदान गरेको छ । संस्थाको चौथो स्थापना दिवसका अवसरमा समूहले आश्रममा आश्रित बालबालिका र महिलाका लागि १८ हजार ५ सय रुपैयाँ बराबरको १ छाक खाना सहयोग गरेको हो ।

पोखरा १७ का अध्यक्ष एवं समूहका सल्लाहकार राधिका शाही योगीले टोल छिमेकमा हुने शुभकार्यमा सांस्कृतिक कार्यक्रम प्रस्तुत गरी संकलन गरेको रकमबाट आश्रममा भोजनको व्यवस्थापन गरेर समूहले सामाजिक उत्तरदायित्व पूरा गरेको बताइन् ।

कार्यक्रममा समूहका अध्यक्ष पियारी गुरुङले १ छाक भोजन बराबरको रकम आश्रमका सम्झना बर्तौलालाई हस्तान्तरण गर्दै आगामी दिनमा पनि समूहको तर्पmबाट सक्दो सहयोग गर्ने प्रतिबद्धता जनाइन् ।

समूहले समाजका सामाजिक, आर्थिक र वातावरणीय सेवामा समर्पित हँुदै विभिन्न गतिविधि सञ्चालन गर्दै आएको सचिव पूर्णकला पोख्रेलले जानकारी दिइन् ।