एयरलायन्स फ्लाइटको एयरहोस्टेस प्रशिक्षण सुरु

आदर्श समाज सम्वाददाता
जेठ १५, २०८०
Airhostess Photo

पोखरा । पोखरामा राष्ट्रिय तथा अन्तर्राष्ट्रिय एयरहोस्टेस प्रशिक्षण सुरु भएको छ । पोखरा नयाँबजारमा रहेको एयरलायन्स फ्लाइट एटेन्डेन्ट एकेडेमीले एयरहोस्टेससहितको क्याबिन क्रुमा तालिम सञ्चालन गरेको हो । एकेडेमीले राष्ट्रिय तथा अन्तर्राष्ट्रिय एयरहोस्टेसका लागि क्याबिन क्रु र ग्राउन्ड ह्यान्डलिङ कोर्सको तयारी गरिरहेको एकेडेमीका निर्देशक शोभा केसीले बताइन् ।

अन्तर्राष्ट्रिय बजारमा एयरहोस्टेससहितका क्याबिन क्रुको माग भएकाले त्यसलाई मध्यनजर गरी अनुभवी प्रशिक्षकबाट ५ महिने क्याबिन क्रु र ३ महिने ग्राउन्ड ह्यान्डलिङ कोर्सको तयारी कक्षा सञ्चालन गर्न लागेको उनले बताइन् । सन् २०१२ मा स्थापना भएको उक्त एकेडेमीले पोखरामा रही तालिम दिइरहेको छ । एकेडेमीमा प्रशिक्षित प्रशिक्षार्थीहरू राष्ट्रियदेखि अन्तर्राष्ट्रिय एयर कम्पनीहरूमा नाम निकाल्न सफल भएको निर्देशक केसीले जानकारी गराइन् । आफूहरूले तालिमलगायत नेपालका आन्तरिक तथा अन्तर्राष्ट्रिय एयरलाइन्स कम्पनीहरूमा जागिरको लागि समन्वय गर्ने भएको उनले बताइन् ।

एयरहोस्टेस (परिचालिका) बन्नको लागि न्यूनतम १२ उत्तीर्ण गरेको, १८ वर्ष उमेर पुगेको, ५.२ इन्च उचाइ हुनुपर्छ भने पुरुषहरूको हकमा भने ५.६ इन्च उचाइ भएको हुनुपर्ने छ । साथै विमान परिचालिका तथा परिचालकमा पर्याप्त सहनशील, सामान्य ज्ञान र शक्तिको साथ शारीरिक र मानसिक रूपमा तयार हुनुपर्ने निर्देशक केसीले जानकारी दिइन् ।

विमान परिचालिका तथा परिचालकले विमान उडानको क्रममा यात्रुहरूको सुरक्षा र आरामको ठूलो जिम्मेवारी लिन्छन् । थोरै लगानीमा राम्रो आम्दानी गर्न सकिने यो पेसा आकर्षणको रुपमा रहेको निर्देशक केसीले बताइन् । सामान्यतया आन्तरिक हवाई उडानमा न्यूनतम ५० हजारदेखि १ लाख ५० हजारसम्म कमाइ हुन्छ । अन्तर्राष्ट्रिय हवाई उडानमा परिचालिका तथा परिचालककले साढे २ लाखदेखि ४ लाखसम्म कमाउन सक्ने केसीले बताइन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width