पोखरा । पोखरा १३ बाँझापाटनस्थित अक्सफोर्ड स्कुलमा शनिबार अभिभावक भेला भएको छ । कक्षा ८ देखि १० सम्म अध्ययनरत विद्यार्थीका अभिभावकसँग विद्यालय प्रशासन तथा शिक्षकहरूबीच अन्तरक्रियात्मक कार्यक्रम गरेको हो ।
अभिभावकहरूलाई श्रव्यदृश्य माध्यममार्फत् प्रधानाध्यापक प्रेमराज अधिकारीले विद्यार्थी, शिक्षक र अभिभावकको भूमिकाबारे प्रष्ट पारे । विद्यालय अघि बढ्न त्रिपक्षीय योगदान रहने भन्दै उनले विद्यार्थी, अभिभावक र विद्यालय सँगसँगै हातेमालो गरी अघि बढ्न भेटघाट र अन्तक्र्रियाले महवपूर्ण योगदान पु¥याउने भएकाले अभिभावक भेला आयोजना गरिएको स्पष्ट पारे ।

प्रअ अधिकारीले समयसापेक्ष अघि बढ्न नसके आफैं पछि परिने भन्दै समयको गति पछ्याउन सक्नुपर्नेमा जोड दिए । उनले विज्ञान र प्रविधिका आविष्कार उपयोग नगरीकन काम गर्न असम्भव भएकाले प्रविधिको सदुपयोगमा अभिभावक, शिक्षक र विद्यार्थी सजग रहनुपर्ने उनको धारणा थियो ।
भेलामा सहभागी अभिभावकले आफ्ना गुनासा तथा रचनात्मक सुझाव प्रस्तुत गरेका थिए । अभिभावले उठाएका सबालका जवाफ विद्यालय प्रशासन तथा शिक्षकहरूले दिएका थिए । उनीहरूले अभिभावक भेला भनिए पनि कार्यक्रम ज्ञानमूलक प्रशिक्षण भएको धारणा राखे ।
भेलामा विद्यालयका प्रशासक भूमिराज अधिकारीले सहजीकरण गरेका थिए ।