पोखरा। पोखरा महानगरपालिका वडा नम्बर १३ का वडाध्यक्ष किरण बराल नेतृत्वको टिमले निर्वाचित भएर आएपछि गरेका काम शनिबार सार्वजनिक गरेको छ ।

वडा कार्यालयले एक वर्षको प्रगति सार्वजनिकसँगै आगामी वर्षका लागि वडावासीबाट राय, सल्लाह र सुझाव पनि संकलन पनि गरेको थियो । वडाध्यक्ष बरालले कार्यभार सम्हालेपछि सेवा प्रवाहसँगै सिपमूलक तालिममा जोड दिएको बताए । ‘हामीले कोसँग के सिप छ त्यहींअनुसार बजारमा समन्वय गरेका छौं’, वडाध्यक्ष बरालले भने । सिपमूलक तालिमअन्र्तगत कफी बनाउने बारिस्ता तालिम, एसइई दिएर बसेका विद्यार्थीका लागि लक्षित गर्दै कम्युटर तालिम र कपाल काट्ने तालिम सञ्चालन भइरहेको उनले बताए । वडाले सिपलाई बजारसम्म पु¥याउन रोजगार मेला पनि गरेको कार्य प्रगतिमा समेटिएको छ ।

बरालले चुनौतीलाई डटेर सामना गर्ने साहस र वडा विकासका लागि साझा अभिभारा आफ्नो काँधमा आएको अनुभूति गरेको बताए । यो १ वर्षमा निर्वाचनको बेला आफूले गरेका वाचा पूरा गर्नलाई कुनै काम बाँकी नराखेको वडाध्यक्ष बरालले बताए । उनले काम गर्ने गतिमा बाँकी ४ वर्षमा पनि ब्रेक नलाग्ने बताए ।
वडा कार्यालयले सडक सुरक्षाका लागि वडाले चोक चोकमा सिसि क्यामेरा जडान गरेको छ । भौतिक पूर्वाधारतर्फ दाद्रदेखि छापाचौतारीसम्म सडक कालोपत्रे, काहुँखोला पैरोपानी आर्वा सडक कालोपत्रे, महाप्रभुधाममा हाइमाक्स लाइट जडान, खामघले सडक स्तरोन्नति, काहुँखोला करिडोर निर्माणलगायत काम भएको जनाएको छ ।

वडाका ५ हजार घरधुरीलाई कागतीका बिरुवा वितरण गरेको वडाध्यक्ष बरालले बताए । वडाले विद्यालयमा स्वास्थ्य शिविरसँगै वडाबासीको निशुल्क स्वास्थ्य परीक्षण, ४ सय महिलाको पाठेघर परीक्षण, वडामा आउने सेवाग्राहीलाई सेवासँगै स्वास्थ्य जाँच, कृषि प्रदर्शनी, किसानलाई अनुदान वितरण गरेको छ । यो अवधिमा डुबानबाट रोक्न कमलपोखरीसँगै काँहुखोला घट्टेखोला सरसफाइ गरेको उनले सुनाए ।