नेपाल गणित समाजको अन्तर्राष्ट्रिय सम्मेलन पोखरामा सुरु

आदर्श समाज सम्वाददाता
जेठ ११, २०८०
ganit sammelan
पोखरा । अन्तर्राष्ट्रिय गणित सम्मेलन बिहीबार पोखरामा सुरु भएको छ ।  गण्डकी प्रदेशका मुख्यमन्त्री सुरेन्द्रराज पाण्डेले आज सम्मेलन उदघाटन गरे । नेपाल गणित समाज, गणित केन्द्रिय विभाग त्रिवि, गणित विभाग काठमाण्डौ विश्वविद्यालय र एसोसियसन अफ नेपालिज म्याथ्मेटिसियन इन अमेरिका ( आन्मा)ले संयुक्तरूपमा ४ दिने अन्तर्राष्ट्रिय सम्मेलन आयोजना गरेका हुन् ।
पोखरा विश्वविद्यालयका उपकूलपति प्राडा प्रेमनारायण अर्याल, आन्माका प्रेसिडेण्ट रामचन्द्र काफ्ले, नेपाल गणित समाजका सभापति प्राडा नारायणप्रसाद पहारी, लगायतका वक्ताहरूले सम्बोधन गरेको  उदघाटनसत्रमा कन्भेनर डा श्रीराम खड्काले स्वागत तथा अर्का कन्भेनर प्रा डा गोकर्ण अर्यालले सञ्चालन गरेका थिए ।
विश्वभरका २१ देशका गरी झण्डै १ सय साठी भन्दा बढी रिसर्च पेपरहरू प्रस्तुत हुने उक्त कन्फरेन्समा चारवटा समानान्तर सेसन रहनेछन् ।
कार्यक्रमका प्रमुख अतिथि मुख्यमन्त्री पाण्डेले  गणित सबै ज्ञानको महाज्ञान रहेकाे बताए ।  परापूर्व कालदेखि गणितलाई एक उच्च प्रतिष्ठित विषयका रूपमा हेरिएको भन्दै उनले  यसलाई विज्ञानको कला भनिने बताए । उनले भने, हाम्रो संस्कृति र धर्ममा गणितको ठूलो प्रयोग छ। बैदिक गणित र ज्योतिष गणितीय दर्शनका जग हुन्। तर, अहिले यस्ता विषयप्रतिको चासो क्रमशः घट्दै गएको छ विश्व भर नै | भनिन्छ, विद्यार्थीहरू गणित पढ्न खासै अभिप्रेरित हुन्नन् |
यस्ता अनुसन्धान गतिविधि र अनुसन्धान प्रस्तुतिहरूद्वारा आफ्नो विषयको क्षेत्र, रुची र दायरा बढाउनु पनि गणितज्ञहरूको कर्तव्य रहेकाे मुख्यमन्त्रीले बताए ।  यो अन्तर्राष्ट्रिय सम्मेलन गणित र तिनीहरूसँग सम्बन्धित क्षेत्रहरूमा नयाँ आविष्कारहरूको लागि उपयोगी हुने उनले विश्वास व्यक्त गरे ।
सम्मेलनको आदर्श वाक्यमा गणितका प्रयोगहरू समावेश भएकाले यसले हाम्रो दैनिक जीवनमा भएका विभिन्न समस्याहरू समाधान गर्न सघाउने छ | समाजलाई पनि लाभ हुनेछ।
विश्वभरका २१ देशका गरी झण्डै १ सय साठी भन्दा बढी रिसर्च पेपरहरू प्रस्तुत हुने उक्त कन्फरेन्समा चारवटा समानान्तर सेसन रहनेछन् ।

Related News

सम्बन्धित समाचार

hero news full width