पोखरा । होटल टास्कको तेस्रो आउटलेट लेकाली सेकुवा रेस्टुरेन्ट एन्ड बारको ग्रान्ड ओपनिङ तथा फुड कार्निभलमा अहिलेका चर्चित लोकदोहोरी गायक प्रकाश सपूतको प्रस्तुति रहने भएको छ ।

पाेखरा अमरसिंहचोकस्थित होटल टास्कको तीन वटै आउटलेटबाट न्युनतम खुद्रा मूल्यमा बियर बिक्री वितरण गर्दै आइरहेकोमा तेस्रो आउटलेट लेकाली सेकुवा रेस्टुरेन्ट एन्ड बारको ग्रान्ड ओपनिङमा जेठ १३ गते सपूतको प्रस्तुति रहने होटल टास्क सञ्चालक मीन गुरुङले जानकारी दिए ।

‘सबैको लागि लेकाली, सधैँको लागि लेकाली’ उद्घोषसाथ सञ्चालित लेकाली सेकुवा रेस्टुरेन्ट एन्ड बारबाट गण्डकी प्रदेशकै न्युनतम खुद्रा मूल्यमा गोर्खा बु्रअरीको उत्पादनका टुबोर्ग, गोर्खा (प्रिमियम) र काल्सवर्ग बियरसहित पोर्क, मटन, चिकन र बफका परिकारहरु बिक्री गर्दै आइरहेको छ । खानाका परिकारसहित स्थानीय उत्पादन कोदोको रक्सी (नारे पा) समेत ग्राहकको रोजाइमा पर्न सफल भएको छ ।

कोरोनाले आर्थिक मन्दी भइरहँदा सेवामूलक व्यवसायमार्फत ग्राहकलाई सर्वसुलभ मूल्यै बियर र खानाका परिकार पस्किँदै आएको गुरुङले बताए ।
शनिबार दिउँसो ४ बजे हुने ग्रान्ड ओपनिङमा सपूतसहित स्थानीय लोक ब्यान्डको समेत प्रस्तुति रहने छ । उक्त कार्यक्रममा प्रवेश शुल्क १ हजार लाग्छ । टिकटमा एक क्यान बियर उपलब्ध हुनेछ ।