पोखरा । पोखरामा हुने भनिएको सातै प्रदेशका मुख्यमन्त्रीहरुको बैठक रोकिएको छ ।
गण्डकीका मुख्यमन्त्री सुरेन्द्रराज पाण्डेका प्रेस संयोजक नरहरि सापकोटाले विज्ञप्ति निकालेर बैठक रोकिएको जनाएका हुन् ।

भोलि बिहान पोखरामा हुने बैठकका लागि मुख्यमन्त्रीहरु हिँडिसकेका थिए । माथिको विशेष दबाबका कारण बैठक रोकिनुलाई अर्थपूर्णरुपमा हेरिएको छ ।

पोखरा ग्रान्डमा तय गरिएको बैठकको प्रबन्धका लागि ठूलै रकम खर्च समेत भइसकेको छ । जेठको पहिलो साता नै गर्ने भनिएको बैठक प्रधानमन्त्रीले समय नदिएका कारण सरेको थियो ।