पोखरा। नेपाल आदिवासी जनजाति महासंघ (नेफिन) आयोजनामा भएको जलवायु परिवर्तन र आदिवासी जनजाति अधिकारसम्बन्धी कार्यशाला गोष्ठी सकिएको छ ।
नेफिनको जलवायु परिवर्तन साझेदारी कार्यक्रमअन्तर्गत तीनदिने गोष्ठी भएको नेफिनका महासचिव दिवस राईले बताए । कार्यक्रममा देशभरबाट सञ्चार क्षेत्र, जातीय संस्था, आदिवासी जनजाति जिल्ला समन्वय परिषद्, आदिवासी जनजाति प्रदेश समन्वय परिषद् लगायतका प्रतिनिधि गरी ४० जनाले भाग लिएका थिए ।
कार्यक्रममा नेपाल आदिवासी जनजाति महासंघ अध्यक्ष ग्याल्जे लामा शेर्पाले जलवायु परिवर्तन विश्वव्यापीरूपमा चुनौती बन्दै गइरहेको बताए । यो अवस्थामा जलवायु परिवर्तनसम्बन्धी अन्तर्राष्ट्रियस्तरमा बन्ने आदिवासी जनजाति लक्षित नीति तथा कार्यक्रममा राज्यले ध्यान नदिएको उनको गुनासो थियो । जलवायु परिवर्तनसम्बन्धी बन्ने विभिन्न संयन्त्रमा आदिवासी जनजातिको अधिकारबारे आदिवासीलाई पूर्ण ज्ञान हुनु जरूरी रहेको उनको भनाइ थियो । आदिवासी जनजातिको परापूर्वकालदेखि नै जल, जमिन र जंगलसँग अन्योन्याश्रित सम्बन्ध रहेकोले जलवायु परिवर्तनको पहिलो र प्रत्यक्ष असर आदिवासी जनजातिलाई नै पर्ने गरेको र यसलाई न्युनीकरण गर्न सचेत भएर लागिपर्न उनको जोड थियो ।
गोष्ठीमा नेफिनका जलवायु परिवर्तन साझेदारी कार्यक्रमका निर्देशक टुंगभद्र राई, नेफिनका निवर्तमान सचिव सुखवीर थामी, नेफिन कोषाध्यक्ष विमल सारु, महासचिव दिवस राई, अरुण राई, डा. राधा वाग्ले लगायतले प्रशिक्षण दिएका थिए ।
कार्यक्रममा अन्य स्रोत व्यक्तिहरूमार्फत जलवायु परिवर्तन, यसका कारण र असर, जलवायु परिवर्तनसम्बन्धी संयुक्त राष्ट्रसंघीय खाका महासन्धी पेरिस सम्झौता र आदिवासी जनजातिका सवालका बारेमा प्रस्तुतिकरण राखिएको थियो । यस्तै जलवायु परिवर्तन अनुकूलन र न्युनीकरण, हानी र नोक्सानी, जलवायु परिवर्तन न्यूनीकरणका उपाय रेडप्लस र रेडप्लसमा आदिवासी जनजातिका सवालहरू, राष्ट्रिय अनुकूलन योजना, राष्ट्रिय प्रतिबद्ध योगदान दस्तावेज–२०२०, जलवायु वित्त, हरित जलवायु कोषबारे प्रस्तुतिकरण गरिएको थियो ।
कार्यक्रम आदिवासी मामिलाका लागि अन्तर्राष्ट्रिय कार्य समूहको सहकार्य र डेनिस अन्तर्राष्ट्रिय विकास एजेन्सीको सहयोगमा भएको हो । सो अवसरमा सहभागीलाई प्रमाणपत्र वितरण गरिएको थियो ।
Related News
सम्बन्धित समाचार
आज कोशी, बागमती र गण्डकीमा वर्षाको सम्भावना
अझै दुई दिन पानी पर्ने
तारेपहरो डम्ठी वनमा दुर्गादत्त
पोखरामा मनाइयो विश्व सिमसार दिवस
पोखरामा अन्तर्राष्ट्रिय पर्वतीय महोत्सव सुरु, हिमाल जोगाउन एकमत
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१