स्याङ्जा। स्याङ्जामा मौसमजन्य विपदबाट प्रभावितमध्ये ५० प्रतिशत घर निर्माण पूरा भएका छन् । प्रभावितमध्ये २५ प्रतिशत घर निमार्णाधीन रहेको जिल्ला प्रशासन कार्यालय स्याङ्जाले जनाएको छ । बाढी र पहिरोजन्य अवस्थाबाट सिर्जित मौसमजन्य विपदमा जिल्लाका १ सय ८६ घरमध्ये ९५ वटा निर्माण भएका हुन् ।
तीमध्ये ४६ निमार्णाधीन र ४५ वटा नबनेको अवस्थामा रहेको प्रमुख जिल्ला अधिकारी शशिधर घिमिरेले जानकारी दिए । बाढीपहिरोबाट प्रभावित भएको भन्दै स्याङ्जा प्रशासनमा ४ सय १५ वटा सिफारिस परेको थियो । पछि स्थलगत अनुसन्धानसहित निर्धारित मापदण्डभित्र १ सय ८६ घरमात्र लाभग्राही सूचिमा परे । त्यसमा पनि विभिन्न किसिमका गुनासा देखिए । उनका अनुसार विभिन्न किसिमका गुनासा आएपछि विपद व्यवस्थापन प्राधिकरणसहितको प्राविधिक टोलीले स्थलगत अनुगमन तथा निरीक्षण गरेकोमा २०७७ जेठ ३१ देखियता आएको बाढीपहिरोबाट प्रभावित आवास तथा घर निर्माणका लागि सरकारले पहाडी जिल्लामा प्रतिघर ४ लाख रुपैयाँ अनुदान उपलब्ध गराउने निर्णय गरेको छ । यसैगरी, हिमाली जिल्लामा ५ र तराईंमा ३ लाख रुपैयाँ दिने भएको हो । जग्गा खरिदका लागि ३ लाख रुपैयाँ दिने भएको छ । स्याङ्जामा भने पहिलो किस्तावापतको ७५ हजार रुपैयाँ पाएका छन् । सम्झौता भएको मितिले २ वर्षभित्रमा घर निर्माण गरिसक्नु पर्ने छ । सोही सूचिकृत घरको अवस्था बुझ्न गृह मन्त्रालयअन्तर्गतको विपद व्यवस्थापन प्राधिकरणका टोलीसहित स्याङ्जा प्रशासनले विपद प्रभावित आवास÷घरको अनुगमन तथा निरीक्षण गर्यो । गृह मन्त्रालयका उपसचिव कृष्ण गैह्रेसहितको प्राविधिक टोली र सहायक प्रजिअ नमिता रेग्मी सहितको टोलीले झण्डै २ साता स्थलगत निरीक्षण गरेको जनाएका छन् ।
अनुगमनक्रममा बस्न हुने घर हुदाँहुँदै पनि अर्को घर बनाएको, नयाँ बनेका घर पनि जोखिममा रहेका, नयाँ घर बनाउन पुराना घर भत्काउन नचाहेको, दोहोरोतेहोरो (भूकम्प, जनता आवास, मौसमजन्य विपदबाट) समेत रकम लिन खोजेका जस्ता त्रुटीहरु भेटिएको छ । यस्तै, ४० देखि ५० प्रतिशत क्षति भएका घर, केही आंशिक क्षतिका घर, कतै च्याँखे थापेका र बस्दै नबसेका घर पनि जोखिममा राखिएको छ ।
स्याङ्जा विपद व्यवस्थापन समितिको बैठकमा उपसचिव गैह्रेले विपद प्रभावितको स्थलगत अवस्थाका बारेमा जानकारी गराए ।
बैठकमा सत्यतथ्य विवरण उपलब्ध गराएर राज्यद्वारा उपलब्ध सेवासुविधा ग्रहणगरी सुरक्षित आवास निर्माणको वातावरण बनाउन सरोकारवाला सबैलाई प्रजिअ घिमिरेले सुझाव दिए । जिसस प्रमुख श्रीप्रसाद जिटी, कांग्रेस कावा सभापति केदार काफले, एमाले अध्यक्ष सूर्यप्रसाद गैह्रे, पुतलीबजार नगर प्रमुख तुलसीराम रेग्मी, भीरकोट नगर प्रमुख गोविन्दकुमार कर्माचार्य, आँधीखोला गाउँपालिकाका अध्यक्ष विश्व पौडेल, विरुवा गाउँपालिकाका अध्यक्ष सूर्य कुँवरलगायतले सुझाव दिएका छन् ।
साथै, बैठकले डेंगु रोग नियन्त्रणलगायत आगलागी, बाढीपहिरोजस्ता विपद नियन्त्रणका लागि तयारी अवस्थामा रहन विभिन्न विषयगत कार्यालय तथा निकायलाई आवश्यक सामग्रीसहित सजग रहन आग्रह गरेको छ । वर्षात्को मौसम नजिकिँदै गर्दा स्याङ्जा प्रशासनले विपद नियन्त्रणका लागि सरोकारवालासँगको छलफललार्ई तीव्र बनाएको हो ।
Related News
सम्बन्धित समाचार
सिग्देल बन्धु प्रतिष्ठानको केन्द्रीय महाधिवेशन नवलपुरमा
प्रजातन्त्र सेनानी सुवेदीको निधन
एक्यापको सार्दीखोला कार्यालयको ताला खुल्यो
युनाइटेड क्लबद्धारा शुक्रराज बलभद्र स्कुलमा खेलकुद सामग्री वितरण
निर्माण व्यवसायी संघ कास्कीमा लिलकाजी
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१