पोखरा । कान्तिपुर फिल्म एकेडेमी र टोपी स्टुडियोले ‘ब्रह्माण्ड’ नामक सिरिज निर्माण गर्ने भएको छ ।

सस्पेन्स फिल्मी ड्रामा र नेपालको प्राकृतिक सुन्दरता दर्शाउने कथामा सिरिज बन्दै गरेको कान्तिपुर फिल्म एकेडेमीको प्रमुख कार्यकारी अधिकृत प्रकाश पुरीले बताए । उनका अनुसार बाबुछोराको शहरसँगको सम्बन्ध र त्यसले पारेको प्रभाव सिरिजमा छ ।

पोखराको ओपन हाउस, गुप्तेश्वर गुफा, चरक मेमोरियल हस्पिटल, लेकसाइड स्ट्रिट, ट्रेडमल, मिडटाउनमा लगायतमा छायांकन गरिएको सिरिजमा कलाकार सुनिल थापा, अर्पण थापा, राजन खतिवडा, विष्णु पहारी लगायतको अभिनय छ । पहिलो चरणमा ३ भाग छायांकन पोखरामै गरिएको हो । अरु भाग पनि पोखरामै गर्ने तयारी छ ।

टोपी स्टुडियो संचालक सागरराज आचार्यले सिरिजलाई ओटिटी प्लेटफर्म जी फाइभ र अमेजन प्राइममा रिलिज गरिने जानकारी दिए ।

नेपालमा ओटिटी प्लेटफर्म सोचेजस्तो नहँुदा सिरिज निर्माणमा धेरैको ध्यान नपुगेको पाइन्छ । डिजिटल मार्केटमा नेपाली दर्शक कमै छन् । यति हुुँदाहुँदै पनि निर्माण हुन लागेको सिरिजबारे पुरी भन्छन्, ‘सिनेमाभन्दा माथि उठेर डिजिटल प्लेटफर्ममा नेपाली कथालाई पु¥याउने जमर्को हो । सिनेमाका सबै कथा अब हलमा मात्रै हेरेर सम्भव हुँदैन । सिरिजलाई लिएर आशावादी छौं ।’