पोखरा। पृथ्वी राजमार्गको दमौली मुग्लिङ सडक खण्ड अन्तर्गत याम्पा आँधिमूलमा भएको ट्रक दुर्घटनामा ३ जनाको मृत्यु भएको छ । ट्रकले हानेर ११ जना घाइते भएकामा ३ जनाको मृत्यु भएको हो । जिल्ला प्रहरी कार्यालय तनहुँका डिएसपी मोहनबहादुर खाँणका अनुसार दुर्घटनामा परी मृत्यु हुनेमा बन्दिपुर गाउँपालिका वडा नं १ बस्ने १२ वर्षीय आयुष भुजेल, ५० वर्षीय चेतबहादुर भुजेल र वर्ष ६९ का सनबहादुर भुजेल छन् ।

खाँणका अनुसार दुर्घटनामा परी घाइते भएकाहरू उपचारका लागि भरतपुर लैजाने क्रममा  मृत्यु भएको हो । दुर्घटना परी वर्ष १० की जस्मिन भुजेल, वर्ष १० का ईश्वर भुजेल, वर्ष ८का समिर भुजेल र सन्तोष भुजेल लगायत छन् रहेका छन् ।

घाइतेहरूलाई तत्काल उपचारका लागि तत्काल आँबुखैरेनीस्थित अस्पतालमा लगिएको भए पनि थप उपचार भरतपुर लगिएको थियो । दुर्घटना स्थलको अवस्था अत्यन्त तनावग्रस्त रहेको छ । स्थितिलाई नियन्त्रणमा लिन ठूलो संख्यामा सुरक्षाकर्मी परिचालन गरिएको छ ।

स्कुल जान कुरेर बसिरहेका बालबालिका भएका ठाउँमा ट्रक आएर किचेको स्थानीयले बताएका छन् ।