पोखरा । सीता एन्ड सन्स न्युरोड, पोखराले वैशाख २२ गते कास्की जिल्लास्तरीय अन्तर मावि चित्रकला प्रतियोगिता गर्ने भएको छ ।

सिर्जनशील कलाकार समूहको संयोजकत्वमा हुन लागेको उक्त प्रतियोगितामा कक्षा ७ देखि १० सम्म र कक्षा ११ र १२ गरी २ समूहमा विभाजन गरी पुरस्कृत गरिने सोमबार आयोजित पत्रकार सम्मेलनमा जानकारी दिइयो ।

कार्यक्रममा सीता एन्ड सन्सका प्रोपाइटर रविश्वर आचार्यले सामाजिक उत्तरदायित्व बहन गर्ने क्रममा कलाकारिताको विकासमा सहयोग पु¥याउने सोच आएको र त्यसका लागि धेरैबाट हौसला मिलेको बताए ।

सावित्री आचार्यले सबैको साथ पाए पोखरामा आर्ट ग्यालरी सञ्चालनको पहल गर्न पनि सकिने बताइन् ।

कलाकार प्राज्ञ बुद्धि गुरुङले सीता एन्ड सन्सले गर्न लागेको प्रतियोगितात्मक कार्यक्रममाबाट पोखरेली कलाको विकासमा ठूलो योगदन पुग्ने विश्वास व्यक्त गरे ।

कार्यक्रममा मानस्वी आचार्यले स्वागत र सिर्जनशील कलाकार समूहका कार्यवाहक अध्यक्ष दलबहादुर गुरुङले सञ्चालन गरेका थिए ।