पोखरा। तमु सांस्कृतिक प्रतिष्ठान नेपालले शैक्षिक सत्र २०८० को लागि पहिलो चरणको छात्रवृत्ति छनोट परीक्षा गरेको छ ।

कास्की, स्याङ्जा र पर्वतका सामुदायिक विद्यालयमा कक्षा ९ मा पढ्ने ३६ तमु विद्यार्थी सहभागी थिए । लिखित र मौखिक परीक्षामा सर्वोत्कृष्ट आधारमा छनोेट गरी छात्रवृत्ति प्रदान गरिने संस्थाका अध्यक्ष चित्रबहादुर तमुले बताए ।

प्रतिष्ठानले २१ जिल्ला समेटेर छात्रवृत्ति वितरण गरिरहेको छ । संस्थाले चितवन, नवलपरासी, नवलपुर, रुपन्देही, तनहुँ, लमजुङ, गोर्खा लगायत जिल्लामा पनि छात्रवृत्ति छनोट परीक्षा गर्ने छात्रवृत्ति छनोट उपसमिति संयोजक तथा संस्थाका प्रथम उपाध्यक्ष श्रीजङ तमुले दिए ।