पोखरा । विश्व भेटेरिनरी दिवस अवसरमा पोखरा जुलोजिकल पार्क वन्यजन्तु उद्धार केन्द्रको अवलोकनसहित अन्तक्र्रिया गरिएको छ ।

नेपाल भेटेरिनरी एसोसिएसन गण्डकीले पशु चिकित्सा पेशामा विविधता, समानता र समावेशीताको प्रवद्र्धन भन्ने मूल नाराका साथ उक्त कार्यक्रमको आयोजना गरेको हो ।

कार्यक्रममा पशु सेवा विभागका उपहानिर्देशक डा. प्रेरणा सेढाईं भट्टराईले यो कार्यक्रमले जुलोजिकल पार्कको प्रवद्र्धनमा समेत कार्यक्रमले टेवा पु¥याउने बताइन् ।

पोखरा जुलोजिकल पार्कका भेटेरिनरी अफिसर डा. किशोर आचार्यले घाइते वन्यजन्तु उद्धार गरी राखिएको पोखरा जुलोजिकल पार्कलाई लक्षित गरी एसोसिएसनले प्रदान गरेको औषधीजन्य सामाग्रीले राहत पुग्ने बताए ।

युनाइटेड क्लब पहलमा २०७२ सालमा शिलान्यास भएको जुलोजिकल पार्कमा हाल २२ प्रजातिका वन्यजन्तु रहेको बताउँदै आचार्यले उद्धार गरी ल्याइएका वन्यजन्तुलाई उपचार पछि खुला बासस्थानमा छोडिने गरेको बताए । उनले आगामी आर्थिक वर्षमा बाघ र भालु समेत ल्याएर राख्ने योजनामा आफूहरु रहेको जनाए ।

भेटेरिनरी डा. सुरेश नेपालीले घरपालुवा जनावारको मात्र नभइ वन्यजन्तुको संरक्षणमा भेटेरिनरीयनहरु लाग्नुपर्नेमा जोड दिए । घरपालुवाभन्दा पनि पछिल्लो समय मानिस र जंगली जनावरबीच द्वन्द्व बढेकाले वन्यजन्तु घाइते अवस्थामा भेटिनेक्रम बढेको बताए ।

नेपाल भेटेरिनरी एसोसिएसन गण्डकी प्रदेशका अध्यक्ष डा. राजेश चौधरीको अध्यक्षतामा भएको कार्यक्रममा उपाध्यक्ष डा. भाजुराम महतोले स्वागत र सचिव डा. अविनाश भट्टराईले सञ्चालन गरेका थिए ।

सो अवसरमा एसोसिएसनमा आवद्ध सदस्यलाई पोखरा जुलोजिकल पार्कका भेटेरिनरी अफिसर डा. किशोर आचार्यले वन्यजन्तु उद्धारमा प्रयोग गरिने डार्ट गन प्रयोगबारे प्रशिक्षण दिएका थिए ।