लमजुङ । परम्परागत नासर मेला अवसरमा सञ्चालन गरिएको खुला फुटबल प्रतियोगिताको उपाधि लालीगुराँस युवा क्लब, भुजुङले जितेको छ । २३ टिमलाई पछि पार्दै लालीगुराँसले उपाधि सहित ७५ हजार हात पारेको हो ।

मस्र्याङ्दी गाउँपालिका– १ को नासरडाँडामा रहेको खेल मैदानमा सञ्चालन गरिएको प्रतियोगिताको उसले फाइनलमा जिएफएफसी क्ब्होलासोंथरलाई ट्राइब्रेकरमा ४–३ गोलअन्तरले हराएको हो ।

उपविजेताले ४० हजार पाएको आयोजक घनपोखरा युवा क्लब अध्यक्ष डिकेन्द्र गुरुङले बताए ।

उनका अनुसार सो अवसरमा छेलो र डोरी तान्ने खेल पनि खेलाइएको थियो । छेलोतर्फ कुम्लुङ गाउँका कौबहादुर गुरुङ पहिलो भए । दोस्रो स्थान धर्मसिंह गुरुङले प्राप्त गरे । सो प्रतियोगितामा १३ जना युवाहरूले भाग लिएका थिए ।

डोरी तान्नेमा भाँचे गाउँको टिम पहिलो भयो । पहिलो हुने टिमलाई ५ हजार नगद र प्रमाणपत्र तथा दोस्रो हुने आयोजक टिमले ३ हजार र प्रमाणपत्र पाएको छ ।

समापनमा विजेतालाई पोचोको समाज पोखराका अध्यक्ष सुवेदार मेजर राजकुमार गुरुङले पुरस्कार वितरण गरेका थिए ।

घनपोखराको भूपू सैनिक संगठन र घनपोखरा युवा क्लबले संयुक्त रुपमा आयोजना गरेको उक्त मेलाका अवसरमा विविध सांस्कृतिक कार्यक्रम समेत सञ्चालन गरिएको थियो । सुरुका वर्षमा सो मेला घनपोखराको भूपू सैनिक संगठनले मात्र सञ्चालन गर्ने गरेकोमा १० वर्षयता युवा क्लब सहभागी हुँदै आएको छ ।