पोखरा । सिजी नेटले आइतबारदेखि पोखरामा सेवा शुभारम्भ गरेको छ । चौधरी ग्रुपको इन्टरनेट सेवा प्रदायक संस्था सिजी नेटले पोखरामा शाखा कार्यालय स्थापना गरी आफ्नो नेटवर्क पोखरामा विस्तार गरेको जनाएको हो ।
सिजी नेटका डिजिएम टेक्निकल अपरेसन प्रमुख रन्नु शर्माले पोखराको शाखाको स्थानीयले उद्घाटन गरेसँगै इन्टरनेट सेवा उपलब्ध भएको जानकारी दिए । ‘हामी पोखराका नागरिकलाई चाहिएको इन्टरनेट सेवा दिन पोखरा आएका छौं,’ शर्माले भने, ‘सस्तो मूल्यमा उच्च गतिको गुणस्तरीय सेवा दिएकैले हामी छोटो समयमै लोकप्रिय भएका हौं ।’ अहिले पोखरा क्षेत्रमा सेवा दिएपनि विस्तारै लेखनाथसँगै अन्य स्थानमा सेवा विस्तार गर्ने उनले बताए ।
सेवाका कारण ब्रान्डमै नराम्रो छाप पर्ने बारेमा आफूहरु सजग रहेको भन्दै उनले कुनै समस्या हुन नदिने गरी पोखरामा इन्टरनेट सेवा दिने प्रतिबद्धता जनाए । पोखरा शाखा उद्घाटनका क्रममा उनले आइपी टिभी, सस्तो मूल्यमा स्मार्ट टिभी, डिजिटल वेल विइङ र बिमा सेवा दिइने शर्माले जानकारी दिए । ‘इन्टरनेट सेवा त सबैले दिइरहेका छन् । को कति राम्रो भनेर छुट्याउने जिम्मा ग्राहकहरुलाई नै छ,’ उनले भने, ‘हामीले सबै ग्राहकको इन्स्योरेन्स व्यवस्था गरिरहको छौं ।’ सिजी नेट जोड्ने ग्राहकका प्याकेज अनुसार युनाइटेड इन्स्योरेन्ससँगको सहकार्यमा १ देखि ३ लाखसम्मको इन्स्योरेन्स व्यवस्था रहेको उनले सुनाए ।
सिजीले मासिक ९ सय ४० रूपैयाँमा १ सय ३० एमबिपिएस गतिको योजनाबाट सेवा थालेको छ । गत जेठमा काठमाडौंका सीमित क्षेत्रबाट इन्टरनेट सेवाको सुरु गरेको सिजी नेटले हाल नेपालभर ४८ हजारभन्दा बढी ग्राहकलाई इन्टेरनेट सुविधा दिइरहेको छ ।
Related News
सम्बन्धित समाचार
पोखरामा ‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू’ सम्मेलन
साइबर अपराधविरुद्ध सचेतना
टिकटक बन्द गरे/नगरेकाबारे जवाफ दिन निर्देशन
साइबर सुरक्षासम्बन्धी कार्यशाला
प्रतिबन्ध कार्यान्वयनमा सघाउन आग्रह गर्दै टिकटकलाई प्राधिकरणको जवाफी पत्र
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१