पोखरा । पोखरामा सीताराम पुल नजिकै जमीन चिरा परेको ठाउँबाट खसेकी स्मृति पराजुली मृतावस्थामा भेटिएकी छन् । पोखरा ९ नागढुंगाकी १२ वर्षे स्मृति शनिबार दिउँसो पौने ३ बजेतिर खसेकी थिइन् ।

सुरक्षाकर्मीले उनलाई खोचबाट उद्धार गरी पश्चिमाञ्चल क्षेत्रीय अस्पताल लगेकामा चिकित्सकले मृत घोषणा गरेको जिल्ला प्रहरी कार्यालय कास्कीले जनाएको छ ।

घटनालगत्तै वडा प्रहरी कार्यालय बैदामबाट प्रहरी निरीक्षक नेत्रबहादुर कुँवरको कमान्डमा रेस्क्यु टोलीसहित १७ जना खोजीमा खटिएका थिए । वडा प्रहरी कार्यालय रामबजारबाबाट प्रहरी निरीक्षक माधव केसीको कमाण्डमा ७ जना र सशस्त्र प्रहरी कालिका गणबाट सप्र।नि उमेश ढकालको कमाण्डमा ७ जनाको टोलीले खोजतलास गरेको थियो ।