पोखरा । काठमाडौंमा केन्द्रीय कार्यालय रहेको इडु ब्रिज कन्सल्टेन्सीले पोखराबाट सेवा दिने भएको छ ।

पृथ्वीचोकस्थित निगाता इन्टरनेस्नल ल्याङ्गोइज एन्ड ट्रेनिङ इन्स्टिच्युट साझेदारीमा सेवा दिने भएको हो ।

इडु ब्रिज कन्सल्टेन्सीका प्रबन्धक निर्देशक योगेश क्षत्रीले विदेशमा उच्च शिक्षा हासिल गर्न इच्छुक विद्यार्थीका लागि निगातासँगको सहकार्यमा सेवा प्रदान गर्ने जानकारी दिए ।
‘२२ वर्षदेखि काठमाडौंबाट इडु ब्रिज कन्सल्टेन्सीमार्फत सेवा दिंदै आएका छौं,’ निर्देशक क्षत्रीले भने, ‘बेलायत, अमेरिका अस्ट्रेलिया, क्यानडा र भारत लगायत देशमा अध्ययनका लागि धेरै विद्यार्थी राम्रो कलेज र युनिभर्सिटीमा अवसर दिइसकेका छौं । त्यसैले अझ सेवाको दायरा फराकिलो बनाउने पोखरासम्म आएका हौं ।’

इडु ब्रिजको पोखराबाट सेवा बिस्तार भएपछि निगाता इन्टरनेस्ल ल्याङ्गोइज एन्ड ट्रेनिङ इन्स्टिच्युटका सञ्चालक किसान सुनारले नै जिम्मेवारी बहन गर्नेछन् । निगाता इन्टरनेस्नल ल्याङ्गोइज एन्ड ट्रेनिङ इन्स्टिच्युटले जापान, न्युजिल्याण्ड, नेडरल्यान्ड, युके, युसए, अस्ट्रेलिया, क्यानडा लगायतका मुलुकमा विद्यार्थी भिसामा अवसर प्रदान गर्दै आएको छ । यद्यपि निगाता जापानका लागि ब्रान्ड बनिसकेको छ ।

आगामी दिनमा निगातालाई जापानसँगै युरोपका अन्य मुलुकको ब्रान्ड बनाउन इडुुसँग सहकार्य गरेको सञ्चालक सुनारले बताए । उनले विद्यार्थीलाई निगाताले मुख्यतः जापान पठाउदै आएको बताउँदै अन्य मुलुकमा पनि जान चाहने विद्यार्थीलाई मौका दिंदै आएको जानकारी दिए ।