पोखरा । नेपाली कांग्रेस केन्द्रीय कार्यसम्पादन समितिको बैठक भोलि आइतवार बिहान १० बजे बस्ने भएको छ। सरकारमा सहभागी हुनका लागि शेखर कोइराला समूहले असन्तुष्टि जनाएपछि कांग्रेसभित्र किचलो सुरु भएको छ । मन्त्रिमण्डलमा शेखर समूहले ३ जना मागेको थियो । तर २ जनाको नाम सिफारिस भएपछि ती २ जनाले शुक्रबार शपथ लिएनन् ।

पार्टी केन्द्रीय कार्यालयका मुख्य सचिव कृष्णप्रसाद पौडेलले शनिवार एक सूचना प्रकाशित गर्दै भोलि बिहान केन्द्रीय कार्यालय बीपी स्मृति भवनमा बैठक बस्ने जनाएका छन्।

बैठकमा केन्द्रीय कार्यसम्पादन समितिका पदाधिकारी एवं सदस्यलाई उपस्थितिका लागि अनुरोध गरिएको छ।