पोखरा । पोखरा ३१ स्थित वेगनासकोटमा निर्मित कोटभैरव मन्दिर उद्घाटन गरिएको छ । पोखरा महानगरपालिकाका प्रमुख धनराज आचार्यले चैतेदसैं अवसरमा आयोजित एक कार्यक्रममा मन्दिर उद्घाटन गरेका हुन् ।
गण्डकी प्रदेश सरकारको आर्थिक सहयोगमा निर्मित मन्दिर गत वर्ष ९ चैतमा तत्कालीन मुख्यमन्त्री कृष्णचन्द्र नेपाली पोखरेलले शिलान्यास गरेका थिए । गण्डकी प्रदेश सरकारले गत आर्थिक वर्षमा मन्दिर तथा क्षेत्र संरक्षणको लागि २० लाख विनियोजन गरेकोमा चालु आवमा १५ लाख विनियोजन भएको थियो ।
कार्यक्रममा नगर प्रमुख आचार्यले पोखरा महानगरबाट यस आर्थिक वर्षको लागि विनियोजन भएको २५ लाख बजेटमा निर्माण हुने कोटभैरव क्षेत्र संरक्षण आयोजनाको समेत शिलान्यास गरी शुभारम्भ गरे ।
उनले वेगनासकोट वराहक्षेत्र तथा वराहक्षेत्र वेगनासकोट पदमार्गलाई धार्मिक पर्यटन साथै हाइकिङ क्षेत्रको रुपमा एकीकृत विकास गर्नुपर्नेमा जोड दिए । पोखरामा रहेका कोटहरुको विकासको लागि महानगर लागिपरेको उनले बताए । समारोहमा नेपाल सरकारका उपसचिव वसन्त तिवारीले विकासलाई आर्थिक वृद्धि तथा आयआर्जनमा जोड दिँदै पर्यटकलाई आउआउ लाग्ने ठाउँ बनाउन सकियो भने मात्र पर्यटकको आगमन हुनेमा जोड दिए ।
पोखरा ३१ का वडाध्यक्ष ढकनाथ कँडेलले आफ्नो वडा भौगोलिक रुपमा ठूलो रहेको तर विकासमा पछाडि रहेकोले विद्यमान वडाका समस्याहरुका उल्लेख गर्दै थप स्रोत परिचालनको लागि जोड दिए ।
भूपेन्द्र रानाभाटको अध्यक्षतामा भएको कार्यक्रममा श्रीराम कँडेलले संचालन र लोकनाथ पाण्डेले स्वागत गरेका थिए । कार्यक्रममा गोकर्ण तिवारी, मदन सापकोटा, अमृत पाण्डे लगायतले मन्तव्य राखेका थिए ।
Related News
सम्बन्धित समाचार
पोखरामा श्रीमद्भागवत् महायज्ञ सुरु
नयाँबजारमा भोलिदेखि श्रीमद्भागवत् ज्ञान महायज्ञ
तोरन्लमा रमाउँदै थकाली समुदाय
पोखरामा श्रीमद्भागवत् ज्ञान महायज्ञ तयारी
वाल्मीकि आश्रम पुग्न भारतीय भूमि प्रयोग गर्नुपर्ने बाध्यता
hero news full width
मुख्य समाचार
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१