पोखरा । सृजना विकास केन्द्रको सामाजिक परीक्षण कार्यक्रम गरेको छ । वार्षिकरुपमा लेखापरीक्षणसँग संस्थाको प्रभावकारी अनुगमन मूल्यांकन कार्यमा सरोकार निकायबाट सुझाव संकलन लिइएको अध्यक्ष कृष्णबहादुर थापाले बताए ।

२०३७ देखि संस्थाले टोल हुँदै राष्ट्रियस्तरमा सामाजिक, शैक्षिक, खेलकुदका गतिविधिसहित २०६४ बाट सृजना बालगृह सञ्चालन गर्दै आएको छ । सरकारको मापदण्ड मूल्यांकनका लागि संस्थाको समस्या चुनौतीमा सामाजिक परीक्षणमार्फत दिशानिर्देश गरेको सहजकर्ता नीकिता कोइरालाले बताइन् ।

पोखरा ८ का वडाध्यक्ष रुद्रनाथ बरालले कार्यक्रम उद्घाटन गर्दै संस्थाको गरिमा कायम गराउन सामाजिक परीक्षणले महत्वपूर्ण भूमिका खेल्ने बताए । कार्यक्रममा राष्ट्रिय बालअधिकार परिषदका प्रमुख बद्रीप्रसाद वाग्ले, पोखरा महानगर सामाजिक शाखा बालकल्याण प्रमुख विष्णुकुमारी पौडेलले बालगृह सञ्चालन मापदण्डमा सञ्चालन हुन बालगृहले गर्नुपर्ने काम कत्र्तव्यबारे सहजीकरण गरेका थिए ।

सृजना विकास केन्द्रका अध्यक्ष कृष्णबहादुर थापाको अध्यक्षतामा भएको कार्यक्रममा पोखरा १७ का सदस्य शिवराम भण्डारी, संस्थाका सल्लाहकार सभापति गणेशबहादुर अधिकारी, बालगृह समिति संयोजक सोमनाथ बराल, पूर्व अध्यक्षहरु हरिप्रसाद बराल, इन्द्रप्रसाद पौडेल, जनप्रिय क्याम्पसका प्रमुख लोकराज भण्डारी, सृजना महिला सहकारीका उपाध्यक्ष शारदा गिरी, केन्द्रका प्रथम उपाध्यक्ष कृष्णमान ठुसाजु, महासचिव विश्व श्रेष्ठ लगायतले केन्द्रका गतिविधिबारे धारणा राखेका थिए ।