पोखरा । पोखरामा आयोजित टिकटक प्रतियोगितामा अनिशा अधिकारी र एलिशा अधिकारीको टिम प्रथम भएको छ । कोशिश, राष्ट्रिय मानसिक स्वास्थ्य स्वाबलम्वन संगठन र अन्नपूर्ण एफएमको सहकार्यमा आत्महत्या रोकथामविरुद्ध सचेत बनाउने टिकटक प्रतियोगिता गरिएको थियो ।

अधिकारी जोडी पोखरा २५ निवासी हुन् । जुम्लाकी लक्ष्मी खत्री दोस्रो र पोखरा ७ कि प्रतिमा पौडेल तेस्रो भए । १५ जनाले भाग लिएको प्रतियोगितामा मनोविद् विजय राई, रेडियो अन्नपूर्णका स्टेसन म्यानेजर सञ्जयकुमार मल्ल, एफएमका बजार व्यवस्थापक नारायण पौडेल, लेक सिटी कलेजकी प्राध्यापक रोशना कुँवर निर्णायक थिए । विषयबस्तु, सन्देश, प्रस्तुति, प्रभावकारिता, समय, शब्द र भाषा छनोटको आधार थियो । सामाजिक सञ्जाल प्रयोग गरेर आत्महत्या रोकथामविरुद्ध सचेतना फैलाउन सकिने रहने सिकाइ भएको मनोविद् विजय राईले बताए ।