लमजुङ । लमजुङमा रैथाने बालीबाट परिकार बनाउने तालिम सञ्चालन गरिएको छ । होमस्टेहरूमा रैथाने बाली प्रवद्र्धन गर्ने उद्देश्यले तालिम सञ्चालन गरिएको आयोजक कृषि ज्ञान केन्द्रले जनाएको छ ।

रैथानेवालीको परिकारसम्बन्धी बेंसीसहरमा भएको तालिममा जिल्लाका ११ होमस्टेबाट १८ जना सहभागी थिए । उनीहरूलाई रैथाने बाली कोदो, जौ, फापर, किनो, कागुनोबाट परिकार बनाउने विधि सिकाइएको कृषि ज्ञान केन्द्रका अर्थविज्ञ एवं सूचना अधिकारी मदन रेग्मीले बताए । उनकाअनुसार राष्ट्रिय प्रयोगशालाका विज्ञ प्रवीन ओझाले प्रशिक्षण दिए ।

रैथाने बालीको महत्वसँगैे सेल रोटी, निम्किन, हलुवा केक, बिस्कुट, जौको दुनोट लगायत परिकारहरू बनाउन प्रयोगात्मक प्रशिक्षण दिइएको थियो । उनकाअनुसार रैथाने बालीमा प्रचूर पौष्टिक तत्व हुने, कम लगानीमा उत्पादन गर्न सकिने, अर्गानिक हुने भएकाले यसको महत्व बढेको छ ।

रैथाने बालीको संरक्षण र उपयोगलाई बढावा दिन तालिम आयोजना गरिएको ज्ञान केन्द्र प्रमुख सुदीप खतिवडाले बताए । उनकाअनुसार रैथाने बाली जलवायु अनुकूल बालीका रुपमा पनि लगाउन सकिने भएकाले महत्वपूर्ण बालीका रुपमा लिइन्छ । रैथाने बालीहरू लोप हुँदै गएकाले रैथाने बालीको प्रवद्र्धन र संरक्षणका लागि यो तालिमले सहयोग पु¥याउने कार्यालय प्रमुख खतिवडाले बताए ।

तालिम उपयोगी भएको भन्दै सहभागीले होमस्टेमा आउने पाहुनालाई स्थानीय बालीका नयाँ परिकार उपलब्ध गराउने प्रतिबद्धता जनाए ।