वन क्याम्पसमा समीर

आदर्श समाज सम्वाददाता
चैत्र १४, २०७९
fsu

पोखरा । वन विज्ञान अध्ययन संस्थान पोखराको स्ववियु चुनावमा अनेरास्ववियु र अखिल क्रान्तिकारीको समूह विजयी भएको छ ।

आइतबार भएको स्ववियु चुनावको अन्तिम मतपरिणाम अनुसार अनेरास्ववियुका समीर कार्की अध्यक्षमा निर्वाचित भए । उनले २ सय ९५ मत ल्याएर विजयी हुँदा प्रतिष्पर्धी नेविसंघका मुबारक अलीले १ सय ३६ मत पाए । सचिवमा अखिल क्रान्तिकारीका धीराजन परियार निर्वाचित भए । उनले २ सय ७७ मत ल्याउँदा नेविसंघका कीर्तन पण्डितले १ सय ४९ मत प्राप्त गरे ।

कोषाध्यक्षमा सुस्मिता कोइराला निर्वाचित भइन् । उनले २ सय ८२ ल्याइन् । प्रतिस्पर्धी नेविसंघकी कीर्ति कँडेलले १ सय ४७ मत ल्याइन् ।

सदस्यमा महादेवसिंह कुशवाह, अनिशा आचार्य, दीपा कार्की, गरिमा गुरुङ र लोकराज थापा निर्वाचित भए । ४ सय ८० मतदातामध्ये ४ सय ३४ मत खसेको थियो ।

यसअघि विद्यार्थीको नामावली सार्वजनिक नभएको विरोधमा नेविसंघ र अखिल (क्रान्तिकारी) ले निर्वाचन अधिकृतको कार्यालयमा तालाबन्दी गर्दा निर्धारित ५ चैतको चुनाव हुन सकेको थिएन । चुनावका लागि एमाले निकटको अनेरास्ववियु र माओवादी निकटको अखिल क्रान्तिकारीले गठबन्धन गरेका थिए ।

Related News

सम्बन्धित समाचार

hero news full width