नवलपुर । पूर्वी नवलपरासीको विनयीत्रिवेणी ५, सर्दीमा फेला परेको बेवारिसे बम नेपाली सेनाले डिस्पोज गरेको छ । आइतबार स्थानीयले खेतमा काम गर्ने क्रममा माटोभित्र गाडिएको अवस्थामा ९ वटा ८१ एमएमएमोटर बम वन तथा पर्यावरण सुरक्षा गण कावासोतीबाट खटिएको सेनाको टोलीले डिस्पोज गरेको हो ।

जिल्ला प्रहरी कार्यालय नवलपुरका प्रहरी नायव उपरीक्षक डिएसपी सन्तोष पाठकका अनुसार सो बम निकै शक्तिशाली भएको र धेरै वर्ष पुरानो भएकाले आफैँ निस्क्रिय रहेको बताए । बम फेला परेको स्थान विकट पहाडी क्षेत्र भएकोले सुरक्षाकर्मी पुग्न समय लागेको उनले बताए । बम फेला परेको २४ घण्टापछि मात्र डिस्पोज गरिएको थियो ।

बाख्रा चराउन गएका गोठालाले जंगलमा पहिरो गएको ठाउँमा बम फेला पारेको स्थानीय रुकेश तमारुले बताए । ती बम माओवादी जनयुद्धका बेला सेना वा माओवादी लडाकुले छाडेको अनुमान छ ।