पोखरा । बुद्ध विशाल बजार व्यापारिक एसोसिएसनले रजत महोत्सव अवसरमा रक्तदान कार्यक्रम गरेको छ । कार्यक्रममा ५१ युनिट रगत संकलन भयो ।

पोखरा ९ का वडा अध्यक्ष दीपेन्द्र मर्सानीले पहिलो रक्तदाता रमेश घर्तीमगरलाई ब्लड ब्याग हस्तान्तरण गरी कार्यक्रम उद्घाटन गरेका थिए । उनले सबैभन्दा ठूलो दान रक्तदान भएकोले कार्यक्रम आयोजकलाई धन्यवाद दिए ।

एसोसिएसन अध्यक्ष केशवबहादुर खत्रीले रजत महोत्सव अवसरमा यो वर्ष विभिन्न कार्यक्रमहरू गरिरहेको बताए । सामाजिक उत्तरदायित्व बहन गर्दै आयोजित रक्तदान कार्यक्रम भने नवौं पटक हो ।

कार्यक्रममा स्वागत उपाध्यक्ष इन्द्रराज अर्याल र संचालन महासचिव बुद्धिबहादुर कँुवरले गरेका थिए । कार्यक्रममा संस्थाका मानार्थ सदस्य सुदीप ढकाल, सल्लाहकार शिव शर्मा लगायतले मन्तव्य राखेका थिए । कार्यक्रम आयोजनामा रक्त संचार केन्द्र पोखराको प्राविधिक सहयोग थियो ।